Put your name here

connexionS'accréditer | S'abonner | Se connecter | Faire un don
> Logo ABP
ABP e brezhoneg | ABP in English |
- Communiqué de presse -
L'ANDON DOU GALO: Huchaéy rassànbiaéy Seint-Nazaerr 01/10

L’ANDON DOU GALO Agherouaéy dez consortriy de defànss e de pormouvànss dou galo Ele permiae dou mei d'otob 2005, je sron antt-agherouae tertout pór huchae qé la Bertaèyn ét un terouaerr istoriq pouein separtabb, qé sti-la ét pouein erconaeü de chaé an chaé corr astourr o noz mnou e q'ela ét tout

Michaël Genevée pour L'Andon dou galo le 30/09/05 20:06

L’ANDON DOU GALO Agherouaéy dez consortriy de defànss e de pormouvànss dou galo

Ele permiae dou mei d'otob 2005, je sron antt-agherouae tertout pór huchae qé la Bertaèyn ét un terouaerr istoriq pouein separtabb, qé sti-la ét pouein erconaeü de chaé an chaé corr astourr o noz mnou e q'ela ét tout cóm vra pitiae.

Ét o la couteürr qé n'an s'avizz q'un paep ét cóm de yun. A-don, la couteürr ét l'istouaèrr a un paep e unn oraéy de châq couteürr s'orinn dedàn sa ou béin sez làngéïj a yèll. An Bertaèyn j'on la chànss de n-n'avaïr un coub an pu qé dou frànssae, o hardi d'eraerr antt yaeü qh'i son lez daeü-la aù parsu. Et un fayit chànss e unn fayit haeriy dam e faùt toutt forss se n-n'avizae. Mein dam etou, n-i arae pchae a onbli qhi son, lez làng-la, préchaéy su un terouaèrr qhi s'ahuche la Bertaèyn qé n-n’a 5 departaman gherr de mein.

Ele moñn de L’ANDON DOU GALO, agherouaéy dez consortriy de defànss e de pormouvànss dou galo q'il ét li, vieinron a la rassànbiaéy pór qé srae erjoueintaéy la Bertaèyn. Je sron pór un bon contt q'ele chevi-la ét consecànt vra consecànt pór unn bónn berouaéy de brett e de berton qhi n'se deconaessan pouein de lou filomiy, de lou istouaérr e d'lou tou-l'jou.

Ét béinto échuae qé faù durae a qé nótt paeï seij tronssae, a-don la, la Bertaèyn astourr ét d'domé unn otaé qhi se debardèlrae caùzz d'unn muraï qhi chómrae a faerr. Ét d’mem, mein dam je sóm horni vra horni de l'afaerr-la, mézae.

Faù béin s'avizae q'ele Berzonèq o ele Galo son dez consecàntt de maèrch anmèll de qaï qhi menn nótt paep. Nan prech galo su l'Ill-e-Vilaenn, la Leirr-de-Bertaèyn e l'ouraéy dou soulaèrr èz Graéy d'Armor e aù Morbihan, ét "Haùtt-Bertaèyn" qé s'ahuch ele terouaérr-la. Ela, e l’fein-bou d'la taerr e l'aùtt borr aù Morbihan e èz Graéy-d'Armor d'otou faet la BERTAEYN. La siunn-la mein, o n'se tronss pouein raporr a qé Mataù ou béin Léoui arae un ravi de mem. Et un paeï orinae o unn istouaérr de pu de 1000 añnaéy d'tàn..

Su la Leirr-de-Bertaèyn n-i a vra o qaï s'emeyae a-vaïr cóman q'ét mnae ele Galo dedàn l'anseniamàn parèm ou béin andrae son chevi dàn lez cmaenn e lez riaù. A-don, dedàn lez ecoll de Leirr-de-Bertaèyn n-i a om de poussae su nótt làng ; yan dam, anàndraet n-i a dez courr de Galo dàn lez ecoll su l’44 e ela ét vra pitiae a-veü de qa q'ét mnae añyou, dedàn lez aùtt paeï de Bertaèyn eyou qé n-i a tou cóm 1200 garsaï a poussae su l'Galo admézae. E l'epoureriy d'eraerr-la ét pu forr eqheniàntt o l’Bac e l'BTS corr. A-don, lez siun qh'il on apreinz ele Galo o lou moñn il on pouein l'draet de devouyae lou contt a l'egzamein a lou lonléizi raporr a qé n-i a pouein de siun "meinz capabb" o "l'éducation nationale" pór lou dirr cóman q'la y'a faet.

Dam, can q'c'ét qé nan véï paraï chaùzz, nan ét ti corr an biaù de dirr qé lez poussouz son d'égalitae tertout ?

Châq làng ét la prouv q'unn couteürr ét béin vioch corr e de mem il on qé d'yett louae pór yett an biaù de siaedd lou istouaérr. Et raporr a 'la qé je don avaïr dou qaï assae azurfein qé de mett ele Galo a s'erchómae.

Je n'creyon pouein, mein, nouz-aùtt lez l'Andou dou Galo q'ele conseï rejiona èz "paeï de la leirr" se boutra un jou a s'parae de féïsson d'o l'Galo.

Pór q'ele Galo seij dàn l'qa d'yett pormóvae e meinz a s'erchómae de féïsson su la Leirr-de-Bertaèyn, don, faù toutt forss a qé ele departamàn-la seij erjoueintae o lez 4 aùtt departamàn berton. Ét d'mem e n-i a pouein a sérchae dez poué par son laé.

Michael Genevée perzidànt de L'Andon dou galo 01/10/05. E-bouaétt : Andon_dou_ galo [at] yahoo.fr

mailbox
imprimer
Cet article a fait l'objet de 2098 lectures.
L'ANDON DOU GALO Agherouéy des consorteriys de Galo Fédération des Associations de Gallo
L'Andon dou galo
Vos 0 commentaires
Commenter :
Votre email est optionnel et restera confidentiel. Il ne sera utilisé que si vous voulez une réponse d'un lecteur via email. Par exemple si vous cherchez un co-voiturage pour cet évènement ou autre chose.
ANTI-SPAM : Combien font 8 multiplié par 9 ?