Breizh ne brodu, evit poent, nemet un dregantad dister eus an energiezh a ya ganti, pezh a zo ur sapre kudenn evit hec'h amzer da zont. Ha posupl eo, daoust da-se, ijin ur mod d'hor bro da vezañ emren war dachenn an energiezh gant teknologiezhioù doujus ouzh an en-dro ha diouzh an dud ? A-benn peur ha peseurt mod ? Ha posupl eo sevel ur raktres nevez
D'ar 7 a viz Du 2009 e vo dalc'het e Silieg un devezh-eskemm diwar-benn kudenn an energiezh e Breizh. Ar blijadur hon eus d'ho pediñ da gemer perzh en degouezh-se.
Breizh ne brodu, evit poent, nemet un dregantad dister eus an energiezh a ya ganti, pezh a zo ur sapre kudenn evit hec'h amzer da zont.
Ha posupl eo, daoust da-se, ijin ur mod d'hor bro da vezañ emren war dachenn an energiezh gant teknologiezhioù doujus ouzh an en-dro ha diouzh an dud ? A-benn peur ha peseurt mod ?
Ha posupl eo sevel ur raktres nevez, evel an hini oa bet savet er bloavezioù 70, evit kavout diskoulmoù disheñvel eus reoù ar stad ? Gant tud zo emañ war ar stern dija.
Kinnig a reomp deoc'h dont da brederiañ war ar c'hudennoù-se gant tud hag a labour war dachenn an espern energiezh, an dra gentañ d'ober, ha gant tud barrek war deknologiezhioù nevez an energiezh padus, evit kompren peseurt skoilhoù a zo, ha penaos e c'heller mont war-raok en amzer da zont.
Spi hon eus e veoc'h niverus o tont da Silieg an taol-mañ adarre.
Enskrivadurioù institutdesilfiac-journeeenergie@orange.fr
Trugarez da respont buan-tre ma z'oc'h dedennet evit ma c'hellfemp aozañ an devezh-se eus ar gwellañ. Evel-just e c'hellit pediñ ho mignoned ma kav deoc'h e c'hellont bout dedennet.
Kenavo ar c'hentañ. A-galon ganeoc'h
Skipailh-ren Skol-Uhel Silieg
http://www.letelegramme.com/ig/generales/regions/morbihan/energie-sortir-des-contradictions-bretonnes-20-10-2009-616575.php ar Télégramme evit gouzout muioc'h.
PDF diwar Skol-Uhel Silieg, e galleg hag e brezhoneg :
Commentaires (0)
Aucun commentaire pour le moment. Soyez le premier à réagir !