Kroget eo ar Redadeg, ha kroget mat !

-- Langues de Bretagne --

Chronique de Kerne Multimédia
Porte-parole: Fanny Chauffin

Publié le 24/05/21 9:16 -- mis à jour le 24/05/21 09:16
Redadeg 2021 : yaouankiz diarc'hen war an hentoù

Loc'het e Karaez gant 100 den hepken, setu ar Redadeg o kreskiñ tamm ha tamm, ha gant embannadurioù nevez ar gouarnamant, arabat krediñ e vo nebeutoc'h eget 10 000 a dud ba Gwengamp disadorn !

Ha, gant niver ar rederien, emañ ar fulor o kreskiñ, fulor ar Vretoned, an Euskariz, ar C'hataluniz, difennerien an demokratelezh e Breizh... Poent eo kenderc'hel ar stourm kroget e Brest gant kelennerien ar Releg pa oa bet tennet eurvezhioù brezhoneg dezho, ha da liseoù Diwan ivez. Kendalc'het dindan ar glav, dindan an heol gor, ha bremañ dindan barradoù avel war hentoù Breizh.

Video Christophe Hoyet ha foto ar Fañchig a zo arrouezhioù an dazont : Europa liesyezhek ha digor war ar bed. Tud o redek diarc'hen war an hentoù. Ton Sul Lors Jereg ivez, gant Paol Molag, gant e gomper o tiskouez youl yaouankiz ar vro evit ma cheñchfe an traoù, en un doare positivel, nann-feulstr.

Piv a glevo a-raok ma vo re ziwezhat ? Piv a glevo ba Pariz mouezh ar re zo bet flastret o yezh, o identelezh (Blanquer o lavarout e oa "un taol arnod ar soubidigezh" pa oa 50 vloavezh a vugale barrek e yezhoù a-drugarez d'ar soubidigezh !!!).

Neuze tudoù, kit da Wengamp disadorn, evit diskouez fulor ar Vretoned, fulor an dud er bed a zo bet goapaet kement zo, gant ur Stad ne ra ket foutre kaer eus an dud ne gomzont 'met ur yezh : ar galleg, Ankou al liesseurted er bed.

Voir aussi :
Doktorez e Skol Veur Roazhon 2 hag e strollad Ermine-CRBC. Kelennerez e lise Kemperle. Blogerez en ABP abaoe 2005, amzer skrivañ kalzig a bennadoù, kantadoù a videoioù... ha da vezañ lennet meur hag 1 500 000 gwech. Lec\'hiennoù all : Pajenn Facebook Ermine, Cent pour un toit Pays de Quimperlé, Roz Glas, Féa, Tv Bro Kemperle,Tv Tro Dro Dit (You Tube)
Vos 0 commentaires
ANTI-SPAM : Combien font 2 multiplié par 8 ?
Note : Ce lieu est un lieu de débat. Les attaques personnelles ne sont pas autorisées. Le trolling est interdit. Les lois contre le racisme, le sexisme, et la diffamation doivent être respectées. Les pseudos sont tolérés mais ne sont pas encouragés. Par contre l'utilisation d'anonymiseurs pour modifier votre numéro ip entrainera la suspension de vos commentaires.