Krogadoù nevez evit skipailh mell-droad Breizh e miz Mae

Sur eo bremañ, skipailh mell-droad Breizh a gemero perzh en un tournamant e Korsika : "Corsica Football Cup" a zegouezho etre ar Merc'her 19 hag ar Gwener 21 a viz Mae. An "Diaouled Du" a vo gant skipailhoù Togo, Gabon ha Korsika. Div lodenn a vo : d'an 19 a viz Mae evit an hanter c'hourfennoù e Aiacciu (Timizzolo) ha d'an 21 a viz Mae evit ar gourfenn

Sur eo bremañ, skipailh mell-droad Breizh a gemero perzh en un tournamant e Korsika : "Corsica Football Cup" a zegouezho etre ar Merc'her 19 hag ar Gwener 21 a viz Mae. An "Diaouled Du" a vo gant skipailhoù Togo, Gabon ha Korsika. Div lodenn a vo : d'an 19 a viz Mae evit an hanter c'hourfennoù e Aiacciu (Timizzolo) ha d'an 21 a viz Mae evit ar gourfenn hag ar c'hrogad evit an trede plas e Bastia. Ar c'hrogadoù a vo diouzh un dennadeg er sizhun a zeu.

Goude meur a geloù ha n'o deus ket disoc'het war krogadoù posupl hag hoalus e Breizh, hor strollad en doa aon rak un eil bloavezh hep match evit skipailh Breizh. An tournamant-mañ zo ur c'heloù dispar peogwir e c'hallo skipailh an "Diaouled Du" prouiñ eo reizh e vefe anezhañ, ur wech c'hoazh a-drugarez da B.M.K (Breizh Mell-droad Kevredigezh).

Kop Breizh a vod harperien skipailh Breizh a vo e Korsika evit an tournamant daoust m'emañ pell. Beajerien eo ar Vretoned ha gant lorc'h ez aimp war enezenn Korsika evit harpañ hor re. Gervel a reomp an holl dud a zo mennet da zont e darempred ganimp ha gervel a reomp dreist-holl ar gumuniezh vreizhek a zo war an enezenn d'en em vodañ evit harpañ an "Diaouled Du". Un degouezh e vo da gas ur skoazell greñv d'hor skipailh. Un degouezh all eo da vodañ Breizhiz tro-dro d'o skiphailh evel m'hon eus graet betek bremañ.

Trugarez a lavaromp da B.M.K. evel atav met da "Corsica Football Association" ivez, evit aozañ an tournamant-mañ a roio eñvorennoù don d'hon div vroad.

Goude e adsavidigezh e miz Mae 2008 e Sant-Brieg, eo buhezek skipailh Breizh atav. Ret eo deomp, bremañ, bezañ ken mennet atav ha difenn gant lorc'h hol livioù e-pad ar c'hrogadoù a-live etrebroadel a zo dirazomp.

E pep lec'h hag atav !

Strollad-ren Kop Breizh

Darempred : 06 63 51 51 94