Kraozon : war hent Ya d'ar brezhoneg

An it. Lena Louarn, prezidantez an Ofis, a oa bet degemeret en ti-kêr gant an ao. Daniel Moysan, maer Kraozon, d'an 8 a viz Here evit sinañ ar garta Ya d'ar brezhoneg dirak an it. Françoise Louarn, Kuzulierez-rannvro hag un toullad brav a dud

An it. Lena Louarn, prezidantez an Ofis, a oa bet degemeret en ti-kêr gant an ao. Daniel Moysan, maer Kraozon, d'an 8 a viz Here evit sinañ ar garta Ya d'ar brezhoneg dirak an it. Françoise Louarn, Kuzulierez-rannvro hag un toullad brav a dud.

Gant Kraozon e vo kaset da benn dindan daou vloaz 5 ober votet gant ar C'Huzul-kêr

Ne vo diaezamant ebet moarvat peogwir ez eus bet kaset da benn vat unan anezho c'hoazh ha ne oa ket an hini aesañ da seveniñ : renevezet eo bet penn-da-benn skol Diwan Kraozon gant servijoù an ti-kêr. Menegiñ a c'hellomp ivez emañ skol Diwan Kraozon o lidañ he 20vet deiz-ha-bloaz p'emañ an ti-kêr o sinañ ar garta Ya d'ar brezhoneg. Mod-all, panelloù divyezhek evit mont-tre ha mont e-maez ar gumun a zo bet staliet. Logo Kraozon ha pennad-stur kazetenn an ti-kêr a vo divyezhek diwar vremañ. Ar gumun a gemero perzh e brudadeg ar c'hentelioù brezhoneg evit an oadourien.