Er garavanenn ar Fiselerezh pe e mediaoueg Langonnet, setu dek konter o kontañ, un hanter eurvezh pep hini istorioù a bep seurt

Kenderc'hel a ra ar rouedad konterien e brezhoneg da gemer perzh e festivalioù. Niverusoc'h e oant e Kan ar bobl 2023 ba Pondi, e Bro an Alre e vez konterien a-hed an hañv (peder gwech e chapelioù, lec'hioù disheñvel bewech, sellout ouzh lec'hienn Ti Douar Alre), e festival an Oriant e vo kontadennoù e ti krampouezh Diwan. Daou "masterclass" a oa bet aozet e Pleuigner, ha sizhunvezh gentañ KEAV e Kastellin e vo ur staj gant 15 konter !

E Langonnet e oa bet Tomaz Laken o kregiñ ganti er garavanenn, heuliet gant Patrig Dreano, goude er vediaoueg Marie Claire Alegoet, William Landin, Fanny Chauffin.

Disul kroget e oa bet gant William Landin, heuliet gant Lomig, Alan Tudoret, Marco Lannhouarno ha Daniel Carre gant daou istor fentus, kontadenn ar vaouezh a huche "Gwenn, melen, gwenn, melen..." hag ar c'hazh debret gantañ ur razh, gwastili, jandarmed, ur vuoc'h hag ar paotr saout, ....

Plijadur zo bet, un 120 bennak a dud deuet da selaou, gant strolladoù 10/17. Gant ma vo e pep festival kinnigoù a seurt-se, evit ma vefe selaouet ha bevet traoù e brezhoneg, ha ma vefe addizoloet marvailhoù hollvedel a lak Yann ha Marjan da brederiañ... ha da c'hoarzhin.

• Met gant piv 'oa bet lakaet ar maen war al leur ? par Kerne Multimedia le 24/09/2023
• Monterfil : ur staj dispar evit konterien, sonerien, danserien ! par Kerne Multimedia le 28/07/2023
• Konterien e brezhoneg : kan ar bobl gant 7 konter, plijadur ha liesseurted par Kerne Multimedia le 22/04/2023
• Pondi : prest eo rummadoù Kan ar Bobl lec'hel da zegemer an arzourien ! par Kerne Multimedia le 08/01/2023
• Kan ar bobl ar gonterien : d'ar merc'her 25 a viz Genver da 3e e Kemperle par Kerne Multimedia le 03/01/2023
• Rouedad konterien e brezhoneg : d'ar 04122022 e Landelo par Kerne Multimedia le 20/11/2022
• Masterklas konterien : d'ar sadorn 22 a viz Here e Pleuigner par Kerne Multimedia le 01/10/2022
• Konterien ba Sant Turn : brav an eostad ! par Kerne Multimédia le 30/01/2022
• Staj konterien ba Pleuigner gant tri c'honter : evit ma vefe rannet marvailhoù gant an holl par Kerne Multimédia le 08/09/2021
• Youn Brenn : un doare da selaou brezhoneg ar vro ha da c'hoarzhin par Kerne Multimédia le 24/07/2021