Put your name here

Komzoù dichipot

Ul levr ma kavot ennañ ur savboent nevez e brezhoneg

Ne c’haller ket mui ober evel pa ne vije ket bet cheñchet ar bed. Daoust hag an ideologiezhioù kozh pe diouzh ar c’hiz, ne viront ket ouzhomp a soñjal drezomp hon-unan gant frankiz ?

Setu ur savboent nevez e brezhoneg ! Setu perak em eus bet c’hoant skrivañ ul levr nevez hollvrezhonek KOMZOÙ DICHIPOT. Lakaat a ran ar gaoz war ar gevredigezh, Breizh hag an Emsav. Hogen, peseurt Emsav a fell deomp kaout ?

Triwec’h pennad-skrid a ya d’ober al levr. Bewezh e kavo al lenner ur c’heriaoueg brezhoneg/galleg evit aesaat al lenn, evit ar re o deus c’hoant da vont pelloc’h gant ar brezhoneg kuit dezho da vont da furchal er geriadurioù bepred.

E gwerzh emañ e Encre de Bretagne e Roazhon, war lec’hienn klask.com. Gallout a rit goulenn anezhañ diganin ivez dre ar follenn-urzhiadiñ.

Embannet eo gant Embannadurioù ar Peniti, 180 p. ennañ, ment 12,5 x 20 cm.

Dindan e kavot titloù an 18 pennad-skrid, deoc’h d’ober gwelloc’h ho soñj war an dodennoù lakaet ar preder warno el levr.

1) Maurepas, joa am eus ouzhit. Ha banlevioù Breizh ?

2) Diaoulekadur. Hag ar frankiz ?

3) Lojeiz e Breizh. Un ti da bep hini ?

4) Kleiz ha dehoù. Hag an diforc’h ?

5) Strolladoù breizhat. An 2 % da viken ?

6) Yezhoù Breizh. Hag ar brezhoneg ?

7) Ur pik er bed. Hag ar vrezhonegerien ?

8) Fest-Noz. Ha dizanvezekaet e vefemp bet ?

9) Kallag. Estrengazouriezh emezit-hu ?

10) Dispac’h. Hag ar broleterien ?

11) Al liesseurted. Un arguzenn vat ?

12) Breizhadelezh. Ha trap ar wokelouriezh ?

13) Ur statud a-ratozh. Ar vroad vreizhat rekis.

14) Kilstourmerien. Hag emañ ar gaou gant ar bobl ?

15) Hollvedelezh. Hag ur meuriad a zo ac’hanomp ?

16) Politikerezh. Perak strolladoù breizhat ?

17) Toaz ar gevredigezh. Hag ar pouloud ?

18) Emsav. Un taol kempenn ?

A galon ganeoc’h, Emil Granville