Klask-teñzor e Naoned d'an 8 a viz Here

Bep bloaz e vez aozet gant Kentelioù an Noz ur c'hlask-teñzor e brezhoneg.

Kinnig a reont deoc'h kemer perzh e klask-teñzor "Teñzor ar Gaouenn" d'an 8 a viz Here e Naoned. Al lec'h-emgav a vo e Ti-Keltiek da 2eur goude merenn (3 straed Harouys e Naoned). Ur banne kafe a vo servijet deoc'h a-raok kregiñ gant ar c'hlask-teñzor.

C'hwec'h skipailh a vo etre tout. Ret e vo deoc'h diskoulmañ kemennadennoù kuzh evit kavout lec'hioù. War-lec'h e vo ret deoc'h respont d'an divinadelloù.

D'ar skipailh a vo trec'h e vo roet an teñzor. Profoù a vo evit ar re all ivez. Un digor-kalon a vo kinniget deoc'h goude ar c'hlask-teñzor.

Digoust eo evit ar vugale, 5€ evit an dud deuet.

Tirouroù hag enskrivadurioù:

Kentelioù an Noz

02 40 20 39 74

kann@netcourrier.com

www.breton-nantes.org