Kest, ur Bildungsroman, etre enklask istorel ha road movie

-- Littérature --

Présentation de livre de Kerne Multimédia
Porte-parole: Fanny Chauffin

Publié le 26/02/21 21:02 -- mis à jour le 26/02/21 21:02
Kest, gant Kristian ar Bras
(70 vues)
51818_1.jpg
Kest, ur Bildungsroman

Skrivet gant Kristian ar Braz, meur a boent a zo heñvel ouzh hini Gege Gwenn : istor ur c'hrennard o tizoleiñ ar vuhez, dre ar pezh a zo erruet e Kreiz Breizh 'pad an eil brezel bed. Met gant Gege eo diazezet e istor war fedoù istorel gwir (pavar baotr eus ar FOuilhez lazhet e Irvilhag), hag hini Kristian Ar Braz diwar un istor faltazi.

Gant Kristian e lenner an istor a gont buhez ur c'hrennard a vremañ o c'houlenn groñs digant e dad piv oa e vamm-gozh, ha perak e oa lizhiri en alamaneg e ti Karaez.

Klask istor Breizh, istor ar Vretoned sachet war zu an Alamanted, kolaboed, pe gontañ istor tud e karantez gant paotred ha merc'hed o vevañ ur blanedenn ken kriz hag a echue alies gant bugale goapaet er skol, tud o klask repu e bro Iwerzhon, e Guatemala, o cheñch idantelezh, pe o vervel, kondaonet d'ar marv pe d'an emlazhadeg... Se zo un doare evit al lennerien da adperc'hennañ o istor dezho.

Un nebeut goulennoù hon eus savet digant Kristian ar Braz.

ABP- Kest a zo ur "roman d'apprentissage" evel "E kambr ar stered". Fromet e oa bet al lennerien yaouank gant Kest peogwir e oa planedenn ur c'hrennard evelto. Ha liammoù a zo etre da grennardiezh hag hini haroz Kest ? Evel Hini Gege ?

KaB- Haroz ado, gwir eo, met pezh en deus sachet an dud dreist-holl eo d’am soñj doare « Kest » (justamant) ar romant an istor, etre enklask istorel, road movie ha Bildungsroman.

ABP- Meur a briz 'peus tapet : Priz ar Yaouankiz (Kest), Priz an Danevell Karaez div wech ... Ha raktresoù all a zo war ar stern ?

KaB-Peurechuiñ troidigezh « On the road » gant Jack Kerouac da gentañ, un danevell hag a vo embannet e Al Liamm dizale. Setu tout evit poent.

ABP - Petra a zegas an dastumadegoù Priz ar Yaouankiz (100 levr embannet) ha Priz ar Vugale (50 levr embannet) d'al lennegezh e brezhoneg ?

KaB - Lakaat tud zo da skrivañ, tud ha n’o dije ket graet mod all (evit lod anezho)

ABP- Hag ul lennegezh eo lennegezh evit ar yaouankiz ?

KaB- Hmmmmm… n’eo ket mod-se e sellan ouzh an traoù : pa teu c’hoant din skrivañ un istor e ran. Dre ma rank bezañ skrivet diouzh reolennoù zo e klaskañ doujañ outo, met an istor ne vez ket skrivet a-ratozh evit ar re yaouank. Kentoc’h e klaskan n’em lakaat tamm pe damm e kroc’hen un den (paotr pe blac’h) yaouank, hep kas an dra-se ken pell-se memestra, ha doujañ ar muiañ posupl ouzh gwirvoud an endro (lec’h, amzer…)

ABP - Petra a vank hiziv e Breizh d'ar skrivagnerien ha d'ar skrivagnerezed ? Petra a vefe d'ober ?

KaB- Lakaat an dud da lenn e brezhoneg, hag evit se, skrivañ traoù dedennus, hag evit se, stummañ tud (kas pelloc’h - hag arc’hantaet gwelloc’h) ar pezh loc’het gant FEA, da skouer.

Uhelaat sammad arc’hant ar prizioù, embann nebeutoc’h ha bezañ strishoc’h war kalite ar skridoù.

Voir aussi :
mailbox imprimer
Doktorez e Skol Veur Roazhon 2 hag e strollad Ermine-CRBC. Kelennerez e lise Kemperle. Blogerez en ABP abaoe 2005, amzer skrivañ kalzig a bennadoù, kantadoù a videoioù... ha da vezañ lennet meur hag 1 500 000 gwech. Lec\'hiennoù all : Pajenn Facebook Ermine, Cent pour un toit Pays de Quimperlé, Roz Glas, Féa, Tv Bro Kemperle,Tv Tro Dro Dit (You Tube)

Vos commentaires :

Kristof vBourdelier
Lundi 1 mars 2021

Tro 'meus bet da glevet 'ne'an :) Plijus-tre eo - Trugarez vras deoc'h evit ho pennad-skrid :)

ANTI-SPAM : Combien font 2 multiplié par 7 ?
Note : Ce lieu est un lieu de débat. Les attaques personnelles ne sont pas autorisées. Le trolling est interdit. Les lois contre le racisme, le sexisme, et la diffamation doivent être respectées. Les pseudos sont tolérés mais ne sont pas encouragés. Par contre l'utilisation d'anonymiseurs pour modifier votre numéro ip entrainera la suspension de vos commentaires.