Put your name here

connexionS'accréditer | S'abonner | Se connecter | Faire un don
> Logo ABP
ABP e brezhoneg | ABP in English |
- Communiqué de presse -
Kentelioù brezhoneg e marc'had Nedeleg Roazhon
Kentelioù brezhoneg a zo bet kinniget gant Ai'ta Bro Roazhon Disul paseet, e Marc'had Nedeleg Roazhon. Oberennoù all vo da genderc'hel, taolit evez !
Yann Rouanez pour Ai'ta! Bro Roazhon le 22/12/06 23:38

D'ar sul 17 a viz Kerzu zo bet aozet kentelioù brezhoneg e Marc'had Nedeleg Roazhon, war Plasenn Breujoù Breizh. Kinniget oant bet gant strollad Ai'ta ! Bro Roazhon, ganet e miz Gwengolo 2006 a-benn diorren ar yezh er vuhez foran.

Petra eo Ai'ta ! ?

Ur strollad tud yaouank o stourm evit ar brezhoneg eo Ai'ta! Krouet eo bet e 2005 e Bro Dreger da gomañs gant ur pemzek den bennak. Da c'houde eo skignet Ai'ta ! da vroioù all e Breizh, ha bremañ ni zo tro-dro da 80 den.

Petra eo pennreolennoù Ai'ta ! ?

Difeuls eo ar strollad, ha n'eo ket stag ouzh strollad politikel ebet. Komz diwar-benn ar brezhoneg eo hor pal pennañ, ha pouezañ war ar reoù emañ ar galloud gante evit lakaat ar brezhoneg ofisiel, evit kas war-raok an divyezhegezh er gevredigezh. A-bouez e vez deomp stourm en un doare dic'hortoz ha fentus.

Petra eo spered Ai'ta ! neuze ? Yaouank, plijus, digor, mennet, leun a startijenn, festus.

Perak kinnig an oberenn-mañ e Marc'had Nedeleg ?

Ar pal a zo lakaat ar brezhoneg da vezañ gwelet : ur bern tud a teu d'ar marc'had, un doare mat eo neuze da vezañ anavezet. Pouezus eo evidomp diskouez e c'hell ar yezh klotaat gant an aktu.

Ha penaos eo bet degemeret ar c'hentelioù gant an dud ?

Dedennet int bet, chomet int kalzig war diri ar Parlamant daoust d'an amzer yen. Plijet eo bet ar skolidi hag ar gelenerien. Bez oa bugale, oadourien : tud o tont deus pep lec'h, deus Galiza zoken !

Petra vo graet gant Ai'ta ! Bro Roazhon ar bloaz o tont ?

Er memes giz eo bet graet gant Ai'ta ! Bro Dreger e vo lañset ganeomp taolioù arvest : kentelioù brezhoneg war ar plasennoù, festoù deiz dic'hortozet, emgavioù treuzwisket hag all. Met amañ, moaien zo ober traoù brasoc'h c'hoazh. O soñjal emaomp en un oberenn diouzh ment Roazhon, gant sikour kevrennoù all Ai'ta ! ha michañs gant kevredigezhioù all a labour war tachenn yezh ar vro. Ret eo labourat asambles. Neuze taolit evez, traoù vo da genderc'hel !

Un dra da ouzhpennañ ? Nedeleg laouen ha brezhoneg leun ho penn !!

Deuit ganeomp ma'z oc'h dedennet gant dazont ar brezhoneg !

(voir le site) ai.ta.bro.roazhon [at] gmail.com

Voir aussi :
Vos 0 commentaires
Commenter :
Votre email est optionnel et restera confidentiel. Il ne sera utilisé que si vous voulez une réponse d'un lecteur via email. Par exemple si vous cherchez un co-voiturage pour cet évènement ou autre chose.
ANTI-SPAM : Combien font ( 7 multiplié par 6) + 2 ?

ABP

Embann

Nous suivre

2003-2024 © Agence Bretagne Presse, sauf Creative Commons