Kenderc’hel a ra ar Stad C’hall da zistruj ar brezhoneg !

Panell staliet gant an DIRO (servijoù ar Stad).
Panell staliet gant an DIRO (servijoù ar Stad).

Panell staliet gant ar strollegezhioù lec’hel.Panell staliet gant ar strollegezhioù lec’hel.Ur panellerezh divyezhek brezhoneg-galleg par-ouzh-par a zo bet krouet gant Park Natur Rannvroel ar Mor Bihan (PNR).

Staliet eo bet neuze ar panelloù-se e mont e-barzh ar c'hêrioù ha war word hentoù an Departamant. Doujañ a reont da garta ar PNR a-fet divyezhegezh.

Staliet eo bet seurt panelloù e mont tre ar Park war vord hentoù ar Stad ivez.
Met aze eo bet dilamet ar brezhoneg !

Ul labour a-ratozh zo bet kaset da benn neuze gant servijoù ar Stad-C'hall evit diverkañ ar brezhoneg ! Ur giladenn eo hag a ziskouez splann youl fall ar Stad hag an energiezh lakaet ganti evit ma'z afe hor yezh da get.
Gant ar skouer-mañ e weler mat penaos e vez lakaet da fall gant ar Stad ar strivoù graet gant an dilennidi lec'hel evit reiñ ur plas dereat d'ar brezhoneg.

Ouzhpenn-se ne zouj ket ar Stad d'an engouestloù bet kemeret ganti. E miz Here 2015 e oa bet sinet ur c'henemglev ispisial etre ar Stad ha Rannvro Breizh diwar-benn yezhoù Breizh. Raktreset eo ennañ e vefe staliet panelloù divyezhek war vord an hentoù-Stad. Betek-henn n'eus bet graet striv ebet gant ar Stad evit ar brezhoneg.

Nac'hañ a reomp an dispriz-se. Setu perak hon eus kroget da sikour ar Stad da staliañ panelloù divyezhek war vord an hentoù. Distaliet eo bet ganeomp ar panelloù nevez bet lakaet e plas ha kenderc'hel a raimp d'en ober war vord hentoù-tizh Breizh betek ma vo staliet panelloù divyezhek par-ouzh-par gant ar Stad.

Voir aussi : Benn ar fin ez eus bet staliet ur panellerezh divyezhek e ti ar c\'hevredigezhioù Gwened par Ai\'ta ! Kreiz Breizh
Voir aussi : Prizioù Dazont ar brezhoneg par Skoazell Diwan Sant-Nazer/Saint-Nazaire
Voir aussi : Ti-kêr Gwened : ur gwir youl evit kas àr-raok ar brezhoneg ? par Ai\\\'ta ! Bro Dreger

mailboxEnvoyer par courriel imprimerImprimer

Auteur de l'article :

Vos commentaires :

Écrire un commentaire :

Bien cliquer sur le bouton JE SUIS PAS UN ROBOT. Le trolling est interdit ainsi que les attaques personnelles ou tout ce qui est contraire aux lois en vigueur !
Attention : A cause des spammeurs et des publicités non-sollicitées ou de la simple propagande, les liens (URL) ne sont pas autorisés dans les commentaires.

Publicités et partenariat

pub