Mat ar jeu ganeoc'h ?
Dalc'het e vo BREUJOU 2013 AI'TA ! e Montroulez, d'ar sadorn 20 ha d'ar sul 21 a viz Ebrel, ha pedet oc'h da gemer perzh !!
Pelec'h ha pegoulz ?
E Montroulez. Degemer adalek 10 eur beure. Kregiñ a rimp da 11 eur plom. Da 10 eur e vo kroget d'ar sul (sañset e vo achu goude merenn).
Ar pal ?
Ober bilañs Ai'ta, gwellaat ar strollad, gwelet peseurt dazont reiñ d'hor stourm evit ar brezhoneg (e peseurt framm, war peseurt tachennoù...), ha riboulat asambles evel-just !
Piv 'hall kemer perzh ?
Tout an dud ! Stourmerien kozh ha yaouank, mignoned ar strollad, tud n'int ket bet gwelet morse : an holl a fell dezhe kas hor yezh war-raok kea ! Arabat kaout aon da bediñ mignoned deoc'h, ha pa ne ouifent ket brezhoneg c'hoazh... Treiñ an eskemmoù war ar prim omp boaz d'ober pa vez ezhomm !
Penaos ober ?
Kasit ur postel deomp evit lakaat hoc'h anv : ai.ta.treger [at] gmail.com
Pep hini a zegas un tamm boued da rannañ etre an holl, koulz ha boeson (ma fell dezhañ), ur vatarasenn hag ur sac'h kousket evit ar re a c'hall chom an daou zevezh.
Penaos e vo votet ?
Aes eo : un den paet e skodenn (15 euro evit al labourerien / 10 euro evit ar re all) gantañ = ur vouezh. Posubl eo d'ar re n'hallont ket kemer perzh votiñ dre brokurasion, met ne vo roet nemet ur brokurasion d'ar muiañ da bep ezel.
Setu, deuit niverus !
Skipailh Ai'ta !