Publier |
Numériser |
Istitlañ / Sous-titrer Treuzskrivañ / Transcrire OCR du breton / Brezhoneg OCR Dicter un article Tous les outils An holl ostilhoù
S'accréditer | S'abonner | Faire un don
Logo ABP
ABP e brezhoneg | ABP in English |
-
Politique La runification Economie Agro Mer Environnement Vidéos
Culture
Musique Littrature Langue bretonne Histoire Patrimoine
- Communiqué de presse -
Kelenn brezhoneg d'an dud deuet : sifroù a ro kalon
Gant Arsellva Ofis ar Brezhoneg eo bet embannet sifroù distro-skol 2007/2008 evit ar c'helenn brezhoneg d'an dud deuet. Kentel gentañ ar bloaz-mañ : un ehan d'an digresk a zeu war wel. An niver a zeskerien el liveoù 1 ha 2 er c'hentelioù a ya war gresk,, evit ar wech kentañ
Par Visant Roue pour Office de la Langue Bretonne le 14/12/07 11:26

Gant Arsellva Ofis ar Brezhoneg eo bet embannet sifroù distro-skol 2007/2008 evit ar c'helenn brezhoneg d'an dud deuet. Kentel gentañ ar bloaz-mañ : un ehan d'an digresk a zeu war wel. An niver a zeskerien el liveoù 1 ha 2 er c'hentelioù a ya war gresk,, evit ar wech kentañ abaoe 2001 ; sin vat eo evit ar brezhoneg.

151 gevredigezh a ginnig kentelioù d'an oadourien en distro-skol-mañ, hervez a zo bet jedet, gant skoazell kelennerien a youl vat pe difrejet, e-barzh 172 kumun a Vreizh, da lavaret eo ouzhpenn ur gumun diwar 10. Un tregont kevredigezh bennak a ro kentelioù ivez e-maez Breizh (e Pariz ha tro-dro dreist-holl) ha 18 framm a ginnig stajoù war verr pe hir dermen. Abaoe 1998 eo bet kresket kalz al lec'hioù kelenn, ouzhpenn 54%, hag ar c'hreizennoù stummañ e-lec'h ma heulier stajoù a zo bet daougementet. War-dro 3000 skoliad a heuilh kentelioù-noz ingal hag ar sifr-mañ a seblant bezañ stabil abaoe un nebeud bloavezhioù. Un dra all zo sin vat : kresket eo an niver a zeraouidi er c'hentelioù-noz (+ 6%). Ur c'hresk damheñvel a gaver er stajoù (+12%) abaoe 2 vloaz. Mat eo an traoù el Liger-Atlantel, pa weler emañ sifroù an departamant o tostaat da re Aodoù-an-Arvor evit an niver a zeskerien enskrivet. Diouzh an tu all e seblant bezañ dilañs en Aodoù-an-Arvor e-keñver departamant ar Mor-Bihan, dre m'eo aozet gwelloc'h ar frammoù kelenn eno. Gwelet a reer splann e teu aesoc'h an dud da zeskiñ brezhoneg pa vez yac'h ar frammoù kelenn ha ganto kelennerien stummet-mat. En teul kevret a c'haller pellgargañ e c'hallot kavout taolenn emdroadur al lec'hioù kelenn etre 1998 ha 2007 hag hini al lec'hioù staj en hevelep prantad amzer. Listenn ar c'humunioù ma kaver ar muiañ a dud oc'h heuliañ stajoù a c'hallot kavout ivez. Emañ Roazhon ha Naoned er penn a-raok dirak Brest pe Kemper a gaver en trede pe en eizvhet plas.

Document PDF . Source :
Voir aussi sur le même sujet :