Kastellin, kerbenn ar marc\'houarn evit Tro bro C\'Hall ?

- Enquete -

Kastellin, kerbenn ar marc'houarn evit Tro bro C'Hall ?

Bremañ p'eo echu Tro Bro-C'Hall eo poent soñjal er redadeg 2011. Ha tremen a raio dre departamant Penn-ar-Bed gant ma vo diskoulmet kudenn Menez Kelec'h, e Kastellin. Fellout a ra da Christian Prud'hommes, rener ar redadeg ha da bennoù bras ASO1 e errufe ar rederien e laez Menez Kelec'h. Met siwazh,

Fanny Chauffin pour ABP le 26/08/10 20:34

Bremañ p'eo echu Tro Bro-C'Hall eo poent soñjal er redadeg 2011. Ha tremen a raio dre departamant Penn-ar-Bed gant ma vo diskoulmet kudenn Menez Kelec'h, e Kastellin.

Fellout a ra da Christian Prud'hommes, rener ar redadeg ha da bennoù bras ASO1 e errufe ar rederien e laez Menez Kelec'h. Met siwazh, un takad gwarezet eo hemañ, dindan stumm un Znieff2. Goulennet en deus Michel Echaubard, prezidant ar CNPN3 ma vefe savet ur roll eus kement loen ha plant a zo war an takad-se. Ne vo ket graet dindan un nebeud sizhunioù. “Re a amzer a gemerfe” eme Denis Olagnon, is-prefed Kastellin. Ret eo ober 'mod all eta.

Prenañ un dachenn

Prest eo an ti-kêr da studiañ un diskoulm all, prenañ un dachenn 200 metrad hed ha 10 metrad ledanded a-benn sevel un hent nevez, a vefe kenstur gant krec'hienn Menez Kelec'h. “Unan eus an diskoulmoù diwezhañ eo hemañ” a ziskleir Nadine Le Graet, pennrenerez servijoù an ti-kêr. Met n'eo ket ken aes ha se. Ne fell ket da Jacques Trellu, perc'henn an dachenn, gwerzhañ e zouar. Ne ginnig nemet feurmiñ anezhi evit 35 bloaz. “Re verr amzer eo” a respont Gaëlle Nicolas, maer Kastellin. Ne fell ket dezhi ober frejoù, evel difroastañ ha ledañ 2 000 m2 a vitum war un dachenn ne vefe ket an ti-kêr perc'henn warni.

War hir dermen

Prest eo an ti-kêr da lakaat nerzh er raktres ma vefe sur da welet ar redadeg o tont da Gastellin alies a-walc'h. “Met ar wech-mañ eo loc'het fall” eme ar maer, o tegas da soñj ne fell ket dezhi dispign muioc'h eget ma ra ar c'hêrioù all evit degemer ar rederien.

War a seblant n'eo ket chalet-bras paotred an ASO. Dont a raint betek Kastellin e fin ar miz. Ti-kêr Karaez, eus e du, en deus roet da c'houzout e c'hellfe bezañ dedennet ma n'ez a ket an traoù war-raok e kêr ar stêr Aon. “Mont a raio founnus bremañ” eme Alain Le Gouill, prezidant ar Boucles de l'Aulne. War-dro an 20 a viz Here e roio an ASO da c'houzout dre belec'h e tremeno ar redadeg a-benn bloaz. Lañset eo ar sprint.

1. ASO : Amaury Sport Organisation, embregerezh aozañ Tro Bro-C'Hall.

2. Znieff : Zone naturelle d'intérêt écologique, faunistique et floristique

3. CNPN : Conseil National de la Protection de la Nature

Yann-Fañch Jacq

Voir aussi :

Lorient. Du breton dans les transports publics par UDB le 04/12/2022
Darkslide - la marque visionnaire de sportwear par Agnieszka Misiura le 12/07/2022
La 30e édition de la Régate des Oursons à l’Ecole Nationale de Voile et des Sports Nautiques par Ecole Nationale de Voile et des Sports Nautiques le 26/05/2022
Vers une fédération sportive de Bretagne. De tous les sports par Didier Lefebvre le 24/10/2020
Le secrétaire d’État aux transports au chevet du Tire Bouchon par Olivier DELAGARDE (Tv Quiberon-la Baie) le 10/01/2020
Brest et Nantes au top sportif par Biet le 29/08/2019
La ministre des sports à Rennes par Biet le 17/06/2019
Moi, Lorraine F , 63 ans, Grek, transportée par Groix et la Bretagne par Didier Lefebvre le 07/03/2019
La ministre des Transports ressort l’écotaxe par Blog de Marc Le Fur le 05/04/2018
Les sports athlétiques bretons. Entraînements à Monterfil par La Jaupitre le 22/09/2016

Cet article a fait l'objet de 1665 lectures.

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

Gwelout pennadoù all gant Fanny Chauffin

Vos 0 commentaires :

Commenter :

Put your name here

ABP

Embann

Nous suivre