17 pal tizhet, un ti-kêr youlek, ha bugale kanerien ...

E ti-kêr Kemperle digwener noz e oa lidet label 2 karta Ya d'ar brezhoneg. Prezegenn e brezhoneg hag e galleg gant Marie-Jo Mellouet, kuzulierez-kêr ha marc'hadourez levrioù ha pladennoù ar stal "Penn da benn", da c'houde hini aotrou maer Alan Penneg, hag evit echuiñ, hini Lena Louarn, evel boaz.


Kanet o doa bugale Diwan ha Divyezh a-raok, ha fur int bet betek ar fin, dreist-holl pa oa Lena o c'houlenn ganto : "Kompren a rit ar brezhoneg, bugale ?"...

Bremañ eo Kemperle e touez ar re wellañ e Breizh : 250 plakenn divyezhek evit ar straedoù e kêr, 100 bugel skoliataet e brezhoneg (Diwan, Div yezh, skolaj), stummadur ar re deuet e brezhoneg evit an ti-kêr, kazetenn ar gumun gant ar pennad-stur e brezhoneg, ...

Da wellaat : ateieroù e brezhoneg evit ar vugale all, mont pelloc'h evit ar c'hentelioù noz hag evit an eil derez.

Fanny Chauffin pour ABP
6 mai 2012
00:42:00 — modifié le 13/2/2026 22:49
Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....