S'accréditer |
S'abonner |
Se connecter |
Faire un donS'accréditer |
S'abonner |
Se connecter |
Faire un don
Roet e oa bet al label live 3 d'an Ao. Christian Troadeg, maer Karaez, d'ar Gwener 30 a viz Genver 2009 gant an It. Lena Louarn, prezidantez Ofis ar Brezhoneg. War un dro eo bet sinet gant ar gumun evit goulenn al label live 4 ac'hann da 2011.
Ar gêr gentañ eus Breizh eo Karaez eta o resev al label-se evit ar 24 ober zo kaset da benn abaoe ar sinadur kentañ e 2004.
Ar bodad « brezhoneg » en ti-kêr, renet gant Vincent Abaziou, a zo e darempred strizh gant an Ofis abaoe meur a vloaz. Gant an Ofis eo bet heuliet an traoù, tamm-ha-tamm, a-feur ma veze astennet plas an divyezhegezh e pep lec'h er gumun. A-dostoc'h eo bet graet al labour-se c'hoazh abaoe ma'z eus bet sinet ur gevrat kefridi etre an Ofis hag an Ti-kêr.
Evit a sell ouzh ar panellerezh, 9 ober a zo bet kaset da benn. An holl blakennoù-straed a zo divyezhek, koulz hag ar panelloù-heñchañ war dachenn ar gumun. Savadur an Ti-kêr hag ar re a zo dindan e zalc'h a zo divyezhek o fanelloù. Kefridiet eo bet an Ofis evit kas da benn ur studiadenn war al lec'hanvadurezh hag ar panelloù glad a zo bet lakaet en div yezh. En amzer da zont, kement panell nevez a vo staliet a vo kinniget gant an div yezh par-ouzh-par.
Dre ma vez 15% eus bugale ar gumun o vont da glasoù en tri hentad divyezhek (Diwan, Div Yezh, Diwan ) (ha 25% anezho er skol-vamm) e fell da gêr Garaez kreñvaat he strivoù evit reiñ d'an holl dud an tu da zeskiñ ar yezh n'eus forzh peseurt oad o defe. Aozet ez eus un enklask evit gouzout gwelloc'h petra eo soñj an dud war an dachenn-se. Skoazellet he deus ar skolioù divyezhek staliet e Karaez dre reiñ dezho ur skoazell arc'hant pe zafar pedagogel. Kemer a ra perzh bep bloaz e brudadeg ar c'helenn brezhoneg d'an oadourien.
Strivet he deus kalz Karaez evit diorren binvioù kehentiñ divyezhek : logo ar gumun, kartennoù-pediñ, kartennoù-bizit an dilennidi, paper-lizher, lec'hienn genrouedad, pennad-stur kazetenn an ti-kêr.
A-benn diorren un implij pemdeziek eus ar brezhoneg er vuhez foran ez eus bet graet 4 ober c'hoazh. Arc'hantaouet ez eus bet ur stummadur dibaouez evit implijidi an ti-kêr a felle dezho deskiñ brezhoneg pe peurzeskiñ ar yezh. Kinnig a ra aozañ euredoù e brezhoneg. Responterez an ti-kêr a zo divyezhek koulz ha kirri servijoù an ti-kêr.
Un toullad oberoù all a zo krog dija hag ul lodenn anezho a vo gwiriekaet a-benn nebeut. Se a zo kaoz eo bet sinet gant ar gumun en-dro evit gounit al label live 4 gant oberoù da beurechuiñ pe da voulc'hañ evel, en o zouez : implijout ar brezhoneg war ar panelloù kelaouiñ elektronek, prenañ ingal levrioù e brezhoneg evit ar vediaoueg, aozañ abadennoù e brezhoneg, stankaat ar c'hentelioù tañva brezhoneg er skolioù, komz brezhoneg e-pad al lidoù ofisiel.
Vidéos
Newsletters
Flux RSS - français
ABP sur Facebook
ABP surTwitter
Chaîne Youtube ABP