S'accréditer |
S'abonner |
Se connecter |
Faire un donS'accréditer |
S'abonner |
Se connecter |
Faire un don
Evit ar Vretonet skignet er bed-oll
Abaoe 2009 e strivomp da lakaat war-sav ur gevezadeg nevez, ur pempatlon natur breizhek, a-dreuz an Argoad, o kenstrollañ pemp sport : neuial, redek war varc'h-houarn, redek war droad, bageal war yoloù ha bagoù dre lien. Krouet e vo ur redadeg espar etre Pornizh hag enez Eusa, Pempta Glaz hec'h anv.
Kroget eo gant mennozh Thomas : un amprouenn a lakfe da zizoleiñ gweledvaoù Breizh diwar skouer ar “Coast-to-coast” e Zeland nevez, ur redadeg hed-ha-hed dibaouez. Hirder ar gevezadeg zo bet graet diouzh e c'hoant e-unan. Ur skipailh tud mennet da gas ar raktres da benn zo bet krouet tro-dro dezhañ.
E 2010, evit ar wech kentañ, e oa bet amprouet gant Thomas heuliad ar pemp redadeg diouzh renk dezho hirderioù espar : neuial eus Pornizh da Sant-Brevin, redek war varc'h-houarn eus Sant-Brevin da Garaez, redek war droad eus Karaez d'ar Faou, bageal war yol-vor eus ar Faou da Gameled ha bageal war vag dre lien eus Kameled da Enez Eusa.
D'an 28 – 29 a viz Mae 2011 e oa bet prouet gant Thomas greüsted ar Pempta Glaz etre Pornizh hag Enez Eusa hep chom a-sav : 7 eurvezh o neuial, 7 eurvezh o redek war varc'h-houarn, 4 ½ eurvezh o redek war droad, 7 eurvezh o vageal war yol ha 6 eurvezh o vageal war ur vag dre lien. Un avantur nevez....
E 2012 e vo ar pal brudañ ar raktres ha Rannvro Breizh war un dro e C'hoarioù Olimpek Londrez. Graet e vo gant Thomas ar Pempta Glaz etre Pornizh ha Portland., diaz bageal ar C'hoarioù Olimpek. Evit ar raktres-se e vo heuliet Thomas a-bep eil gant ur skipailh SNSM ha pomperien.
Diwezhatoc'h, e 2013, hon eus c'hoant da aozañ ar Pempta Glaz evit ar sportourien o kemer perzh a hiniennoù, pe a skipailhoù ha lakaat war-sav ar gevezadeg etre Pornizh hag enez Eusa.
Mignoned diaspora Breizh, kemerit perzh en avantur-mañ, komzit eus ar raktres tro-dro deoc'h evit ma vo klevet gant an holl sportourien espar ha difennourien hon bro. Yaouank eo ar raktres ; klask a reomp sponsorien, aozadurioù e-maez gouarnamant, embregerezhioù ha kement 'zo.
Bezit kannaded ar Pempta Glaz !
Trugarez vras a lavaromp deoc'h.
Vidéos
Newsletters
Flux RSS - français
ABP sur Facebook
ABP surTwitter
Chaîne Youtube ABP