Ur c'hampionad leun a arlivioù!
Deuit da stlapañ ho taouarn evit souten al lazoù-kanañ : Kan Izel Vor (Ar Forest-Fouen), Kanerien Bro Lokorn, Mouez Rosko, Kanerien ar Goëlo (St Ke Porz Olued).
Skritell kampionad Breizh al lazoù-kanañ 2017 ABPEn em gavout a rint ar strolladoù da vare Gouel Breizh, aozet gant Ti ar Vro Landerne-Daoulas, en ul lec'h savet evit bravaad ar c'han : Iliz St Tomas Landerne. Podoù a zo e-barzh ar mogerioù evit amplaad ar son. Un dudi evit ar ganerien hag ar selaouerien!
Goude lodenn kampionad an abadenn, e vo ur sonadeg gant strollad merc'hed rummad kentañ Kan Awen eus Brest.
Embannet e vo an disoc'hoù da 5e30.
Mont e-barzh 8€, gwerzhet e vo ar blihiji war ar plas.
Krouet eo bet Kevread Kanomp Breizh gant renerien al lazioù-kanañ a gan e brezhoneg, a oa izili kommision Kan Kendalc’h. Ganet eo bet dre voloñtez ar c’hengevread ha d’ar c’hompozer René Abjean, ha gant sikour rannvro Breizh. Ezel eus Kuzul Sevenadurel Breizh eo Kanomp Breizh.
Lazioù-kanañ pemp departamant Breizh ‘vez bodet e Kanomp Breizh. Hor pal a zo kas war raok ar c’han e brezhoneg, hengounel hag a-vremañ, el lazioù-kanañ.
Karget eo neuze Kanomp Breizh da zerc’hel bev tonioù hengounel e brezhoneg, met souten a ra ivez komponerien ar vro da grouiñ oberennoù nevez evit lazioù-kanañ.
Sikour a ra ivez da vrudañ ar c’han e brezhoneg evit tud a bep oad hag a bep lerc’h, e Breizh pe en diavaez.
Lazioù-kanañ pemp departamant Breizh ‘vez bodet e Kanomp Breizh. Hor pal a zo kas war raok ar c’han e brezhoneg, hengounel hag a-vremañ, el lazioù-kanañ.
Karget eo neuze Kanomp Breizh da zerc’hel bev tonioù hengounel e brezhoneg, met souten a ra ivez komponerien ar vro da grouiñ oberennoù nevez evit lazioù-kanañ.
Sikour a ra ivez da vrudañ ar c’han e brezhoneg evit tud a bep oad hag a bep lerc’h, e Breizh pe en diavaez.
Commentaires (0)
Aucun commentaire pour le moment. Soyez le premier à réagir !