-- Cultures --

Kampionad Breizh al lazoù-kanañ, eil ha trede rummad
Agenda de Fédération Kanomp Breizh (porte parole Le Guillou Armelle) publié le 16/05/18 14:44

Date de l'évènement : le 20/05/2018 à 15 h

E trede rummad, rummad Selaou :

44983_1.jpgSkritell Kampionad BREIZH al lazoù-kanañ 2018

Kanomp ar Vro Sant Brieg, en em ginnigo evit ar wech kentañ er c’hampionad. Ar strollad a zifenn sevenadur Breizh abaoe pell dindan renerezh Jean Oriac. Met ne felle ket dezhañ, evit e kampionad kentañ, bezañ notet, na klaset. Ur strollad da zizoloiñ. Tommder arvesterien Landerne a sikouro anezho evit en em soutout en o vleud!

E eil rummad :

Klevet e vo en-dro gant plijadur Kan Izel Vor, eus ar Forest-Fouesn. E rummad Selaou e oa warlene ha daou vloazh zo. Met kreskiñ a ra ar strollad bihan a vloazh da vloazh, hag en em sentout a ra prest da vont e-barzh ar c’henstrivadeg da vat, evit lakaat da glevout e personelezh a gresk. Deuit da souten al laz-kanañ evit e bloavezh kentañ el live uhelloc’h !

Degemeret e vo er bloazh-mañ tri a laz-kanañ eus Bro Naoned. Divizet eo bet ganto mont er c’hampionad holl asamblez. Gallout a raio arvesterien Landerne prizañ strolladoù morse klevet ha dizoloiñ roll tonioù nevez penn-da-benn.

Ul laz-kanañ braz eo da gentañ Aber al Liger, met yaouank eo, o vezañ bet savet nemet daou vloazh zo. Graet eo eus koristed meur a lazoù-kanañ Bro Naoned. Berr eo bet e vuhez, met kalzh a zo dezhañ da kinnig dija, dindan renerezh ur paotr nerzhus, Guy Pouliquen. Plijus kenañ !

Laz-kanañ Kelc’h Keltiek An Naoned eo Kan ar Vro. Ur strollad leun a skiant-prenet eo, kinniget e vo e maestroniezh hag e anaoudegezh eus kan hengounel e brezhoneg ganto.

Laz-kanañ Orvault, e-kichen An Naoned, eo Orvez. Starijenn a zo gant ar strollad-se, ha buhezus eo ivez. Souezhet e c’hellfe bezañ an arvesterien gant abadenn al laz-kanañ-se. Aozañ a ra ur pennad kan orin ha fromus, gant e laz-seniñ bihan ha mouezhioù bugale ouzhpenn.

Meur a atoud a zo gant Kampionad 2018 evit sachañ an arvesterien a blij dezho ar c’han hag abadennoù plijus ha disheñvel, ha da gentañ kinnig ha dizoloiñ lazoù-kanañ nevez.

Ar pred kanet : goude ar c’hampionad e vo ur pred kanet digoret d’an holl er Family Landerne da 7e. Kaset e vo en-dro gant al lazoù-kanañ. Pephini a c’hello kanañ ganto : ul levrig gant pozioù an tonioù a vo profet da bephini. Mirit ho fred evit un nozvezh kig-ha-farz ha kan e brezhoneg. Plijadur a vo !

Iliz St Tomaz, disul d’ar 20 a viz mae, adaleg. Pred kanet da 7e.

Mont e-barzh :

Kampionad : 8€, digoust – 12 vloazh.

Pred kanet : 12€

Kampionad + pred kanet : 18€

Evit mirout plasoù : (voir le site)

www.kann-al-loar.com

Evit kaout titouroù ouzhpenn :

kanompbreizh [at] wanadoo.fr ou 06 32 29 79 29 et www.kanompbreizh.org

Voir aussi :

mailbox imprimer
la fédération kanomp breizh, qui rassemble des chorales des cinq départements bretons, a pour objectifs :
- la promotion du chant choral breton, des chorales adhérentes, de leurs productions et de leurs activités ;
- l'organisation de festivals, concours, concerts, rassemblements et formations ;
- la mise en commun des moyens de formation et d'information pour les chorales adhérentes ;
- l'édition de musique sous toutes ses formes et sur tous supports.

Vos commentaires :

Écrire un commentaire :

ANTI-SPAM : Combien font 5 multiplié par 1 ?

Note : Ce lieu est un lieu de débat. Les attaques personnelles ne sont pas autorisées. Le trolling est interdit. Les lois contre le racisme, le sexisme, et la diffamation doivent être respectées. Les pseudos sont tolérés mais ne sont pas encouragés. Par contre l'utilisation d'anonymiseurs pour modifier votre numéro ip entrainera la suspension de vos commentaires.