Put your name here

connexionS'accréditer | S'abonner | Se connecter | Faire un don
> Logo ABP
ABP e brezhoneg | ABP in English |
Ar Sketla Segobrani
Ar Sketla Segobrani
- Agenda -
Kemper. Kafedi Lennegezh : Ar Sketla Segobrani, d'an 3 a viz Kerzu
Kafedi Lennegezh : Ar Sketla Segobrani, lusket gant Tepod Mab Kerlevenez. D'an 3 a viz Kerzu 2016, 2e30 goude merenn, tavarn Ar Finnegans, 46 straed Aristide Briand, KEMPER.
Rafael Urien pour Kevredigezh Vrezhon le 24/11/16 18:13

Kafedi Lennegezh : Ar Sketla Segobrani, lusket gant Tepod Mab Kerlevenez.

D'an 3 a viz Kerzu 2016, 2e30 goude merenn, tavarn Ar Finnegans, 46 straed Aristide Briand, KEMPER.

Ar Sketla Segobrani, avanturioù faltaziek ar brezelour kelt Segobraneos, eus meuriad al Lingoned, zo anezho un dastumad teir levrenn skrivet e brezhoneg gant Meven Mordiern, Frañsez Vallée hag Emil Ernault hag embannet e 1923.

Berzh bras ar reas an istor-se e metoù ar Vrezhoned desket etre an daou vrezel-bed, ha dont a reas an oberenn hec’h-unan da vezañ unan diazez eus al lennegezh vrezhon, en arbenn pergen da binvidigezh ar yezh arveret ha d’ur brezhoneg unvan evit ar wech kentañ abaoe nouspet kantved.

Aet diwar an eñvorioù goude an Eil Brezel-Bed e kinnigo Tepod Map Kerlevenez un displegadenn anezhi, ha lenn a rayo arroudoù anezhi da geñver ur C’hafedi Lennegezh.

Mennet eo ar Gevredigezh vrezhon da grouiñ ur vuhez kevredigezhel brezhon dre obererezhioù liesseurt : displegadennoù mareadek war dodennoù lieseurt (istor, douaroniezh, fizik, armerzh, prederouriezh, lennegezh…), c’hoariva, festoù-noz, mennozhioù a bep seurt da ziorren diouzh kinnig ar berzhidi… Kinnig a reor traoù a sell hon amzer kempred hag an dazont, kuit a gement spered “folklorel“ a ve, hag a sell kenkoulz Europa hag ar bed a-bezh ha Breizh hag ar broioù keltiek all Sevel e Breizh a-bezh ur rouedad kreizennoù lec’hel a vuhez kevredigezhel brezhon eo pal “Kevredigezh Vrezhon“…Mard oc’h deuriet gant hon embregadenn e c’hellit mont e darempred ganeomp a-benn krouiñ kreizennoù lec’hel en ho kornvro
Gwelout pennadoù all Kevredigezh Vrezhon
Vos 0 commentaires
Commenter :
Votre email est optionnel et restera confidentiel. Il ne sera utilisé que si vous voulez une réponse d'un lecteur via email. Par exemple si vous cherchez un co-voiturage pour cet évènement ou autre chose.
ANTI-SPAM : Combien font ( 2 multiplié par 1) + 2 ?

ABP

Embann

Nous suivre

2003-2024 © Agence Bretagne Presse, sauf Creative Commons