-- Gastronomie --

Kafedi Istor : Eus Preden d'ar broioù nevezpredenat (4re-12vet kantvedoù)

Agenda de Kevredigezh Vrezhon (porte parole Rafael Urien) publié le 21/12/16 13:34

Date de l'évènement : le 07/01/2017 à 14 h
Ar bed keltiek en Uhelgrennamzer Uhelañ
Ar bed keltiek en Uhelgrennamzer Uhelañ

Kafedi Istor : «Eus Preden d’ar broioù nevezpredenat (4re-12vet kantvedoù)», lusket gant Rafael Urien

D’ar Sadorn 7 a viz Genver 2017, 2e30 goude merenn, e tavarn ar Finnegans, 46 straed Aristide Briand, KEMPER

Gant donedigezh Kustentin, embannet impalaer e Eboracum (Evrog, pe York) e 306 hag astennet da c’houde e c’halloud war an Impalaeriezh en he fezh, e teu Preden da gemmañ muioc’h-mui he dremm, dre zont da vezañ kristen da gentañ-holl.

Adalek eil lodenn ar 4re kantved e teu an tagadennoù eus ar C’hornôg (Iwerzhoniz) hag eus an Norzh (Pikted) da vezañ taer-ouzh-taer, ken e krog ul lodenn eus Brezhoned Kornôg Preden da divroañ, da Walarn Galia pergen.

Steuziet ar galloud roman e Preden goude 410 en em zirann uhelidi Preden e div gostezenn, ar re a venn mirout an hengoun roman hag a embann bezañ ar «Romaned ziwezhañ» ha pa vefe goude diskar impalaer diwezhañ ar C’hornôg e 476 zoken, hag ar re a venn en em zizober eus ar romanelezh-se.

Met adalek eil lodenn ar 5et kantved e tegouezh alouberion nevez, er Reter, Germaned. Dont a ra war-dro 500 ar Vrezhoned dindan ren Ambrosius Aurelianus (hag Arzhur ?) a-benn da herzel outo, evit un hanter kantved bennak. En hevelep mare, ha liammet-start gant pezh a c’hoarvez e Preden, e kav Brezhoned Gwalarn Galia un emglev gant Franked Kloviz, pezh a aotre un embroadeg nevez, stankoc’h, er pezh a zeu tamm-ha-tamm da vezañ ur Preden nevez, pe Breizh.

Adalek kreiz ar 6vet kantved avat e teu ar C’hermaned da vont war-raok en-dro. Disrannet eo Brezhoned an Enez etre re ar Mervent (a zeuio tamm-ha-tamm da vezañ bevennet e Kernev-Veur), re ar C’hreiz (a zeu da vezañ Kembre) ha re an Norzh (Gwalarn Bro-Saoz ha Mervent Alba a-vremañ). Rouantelezhioù brezhon an Douar-Bras (Devnon, Kernev, Ereg) a zeu da droc’hañ-krenn o liammoù gant ar Franked. Ouzhpenn-se, deuet ar C’hermaned da zegemer o-unan ar gristeniezh, en em gav ar Vrezhoned lakaet e meur a geñver a-gostez eus ar C’hornôg kristen.

Daoust d’o disrann ha d’o zonkad dezho o-unan hiviziken e vir avat an holl Vrezhoned, eus Breizh betek re an Norzh, un emskiant eus o c’humuniezh, betek an 12vet kantved da vihanañ.

Voir aussi :

mailbox imprimer

Mennet eo ar Gevredigezh vrezhon da grouiñ ur vuhez kevredigezhel brezhon dre obererezhioù liesseurt : displegadennoù mareadek war dodennoù lieseurt (istor, douaroniezh, fizik, armerzh, prederouriezh, lennegezh…), c’hoariva, festoù-noz, mennozhioù a bep seurt da ziorren diouzh kinnig ar berzhidi…
Kinnig a reor traoù a sell hon amzer kempred hag an dazont, kuit a gement spered “folklorel“ a ve, hag a sell kenkoulz Europa hag ar bed a-bezh ha Breizh hag ar broioù keltiek all

Sevel e Breizh a-bezh ur rouedad kreizennoù lec’hel a vuhez kevredigezhel brezhon eo pal “Kevredigezh Vrezhon“…Mard oc’h deuriet gant hon embregadenn e c’hellit mont e darempred ganeomp a-benn krouiñ kreizennoù lec’hel en ho kornvro

Vos commentaires :

Écrire un commentaire :

ANTI-SPAM : Combien font 6 multiplié par 8 ?

Note : Ce lieu est un lieu de débat. Les attaques personnelles ne sont pas autorisées. Le trolling est interdit. Les lois contre le racisme, le sexisme, et la diffamation doivent être respectées. Les pseudos sont tolérés mais ne sont pas encouragés. Par contre l'utilisation d'anonymiseurs pour modifier votre numéro ip entrainera la suspension de vos commentaires.