Put your name here

connexionS'accréditer | S'abonner | Se connecter | Faire un don
> Logo ABP
ABP e brezhoneg | ABP in English |
Pêr Landais ha bouest-relegoù kalon an dugez Anna
Pêr Landais ha bouest-relegoù kalon an dugez Anna
- Agenda -
Kafedi Istor - Dizalc’hiezh Breizh eus barr e sked betek he diskar (1458-1532)
Kafedi Istor - Dizalc’hiezh Breizh eus barr e sked betek he diskar (1458-1532), lusket gant Rafael Urien, d'ar Sadorn 12 a viz Mae da 2e30 g.m. e tavarn ar Finnegans, 46 straed Aristide Briand, KEMPER
Rafael Urien pour Kevredigezh Vrezhon le 25/04/18 17:26

Kafedi Istor : "Dizalc’hiezh Breizh eus barr e sked betek he diskar (1458-1532)"

(lusket gant Rafael Urien)

D’ar Sadorn 12 a viz Mae 2018, 2e30 goude merenn, e tavarn ar Finnegans, 46 straed Aristide Briand, KEMPER

Goude ur prantad "sioul" a-walc’h koulz e diabarzh Breizh hag evit pezh a sell he darempredoù gant Bro-C’hall e teu ar soubenn da drenkañ etre an div vro, goude ma tegouezhas Frañsez II e penn Breizh e 1458 ha Loeiz IX e penn Bro-C’hall e 1461. Tennoc’h-tennañ e teuas da vezañ stad diplomatek Breizh, goude drouziwezh Burgondia e 1477 pergen. Aliet gant Pêr Landais pergen e strivas Frañsez II da gavout kevredidi all hag e kasas pelloc’h c’hoazh levierezh dizalc’hiezh Breizh (krouidigezh Skol-Veur Naoned, Breudoù Breizh…). Faezhet e voe avat ar Vrezhoned e Sant-Albin-an-Hiliber e 1488. An dugez Anna a glaskas kenderc’hel an erv boulc’het gant he zad, met faezhet d’he zro e rankas dre heg dimeziñ gant roue Bro-C’hall Charlez VIII. Yev pounner Bro-C’hall a rankas Breizh gouzañv e grez hennezh. Goude e varv e 1498 e timezas Anna gant e genderv ha warlerc’hiad Loeiz XII (dug Orleañs betek-hen ha bet kevread he zad ergentaou). Muioc’h a zoujañs a voe merket d’an dugez ha d’he bro, ha spi a zo bet he defe dugelezh Breizh gallet kaout ur warlerc’hiad a-ziforc’h diouzh hini Bro-C’hall. Ur raktres eured etre merc’h Anna, Klaoda, hag an hini a zeuio da vezañ diwezhatoc’h Karl V, impalaer Alamagn, a zo bet zoken. Goude marv Anna e 1514 avat e voe gwall ziaes da Glaoda, dimezet a-benn ar fin gant roue Bro-C’hall Frañsez Iañ, herzel ouzh galloud hennezh, ha loc’het e voe neuze argerzh an enframmañ, a zisoc’has e 1532 war skrid stagañ Breizh ouzh Bro-C’hall.

Voir aussi :
Mennet eo ar Gevredigezh vrezhon da grouiñ ur vuhez kevredigezhel brezhon dre obererezhioù liesseurt : displegadennoù mareadek war dodennoù lieseurt (istor, douaroniezh, fizik, armerzh, prederouriezh, lennegezh…), c’hoariva, festoù-noz, mennozhioù a bep seurt da ziorren diouzh kinnig ar berzhidi… Kinnig a reor traoù a sell hon amzer kempred hag an dazont, kuit a gement spered “folklorel“ a ve, hag a sell kenkoulz Europa hag ar bed a-bezh ha Breizh hag ar broioù keltiek all Sevel e Breizh a-bezh ur rouedad kreizennoù lec’hel a vuhez kevredigezhel brezhon eo pal “Kevredigezh Vrezhon“…Mard oc’h deuriet gant hon embregadenn e c’hellit mont e darempred ganeomp a-benn krouiñ kreizennoù lec’hel en ho kornvro
Gwelout pennadoù all Kevredigezh Vrezhon
Vos 0 commentaires
Commenter :
Votre email est optionnel et restera confidentiel. Il ne sera utilisé que si vous voulez une réponse d'un lecteur via email. Par exemple si vous cherchez un co-voiturage pour cet évènement ou autre chose.
ANTI-SPAM : Combien font ( 6 multiplié par 8) + 2 ?

ABP

Embann

Nous suivre

2003-2024 © Agence Bretagne Presse, sauf Creative Commons