ABP

- Agenda -

Kafedi Istor - \\\"Dibenn proviñs Breizh emren (Eil lodenn an 18vet kantved, betek 1790)\\\"

Kafedi Istor : \"Dibenn proviñs Breizh emren (Eil lodenn an 18vet kantved, betek 1790)\" (lusket gant Rafael Urien) D’ar Sadorn 29 a viz Mezheven 2019, 2e30 goude merenn, e tavarn ar Finnegans, 46 straed Aristide Briand, KEMPER

Par Rafael Urien pour Kevredigezh Vrezhon le 23/06/19 23:51

Kafedi Istor : "Dibenn proviñs Breizh emren (Eil lodenn an 18vet kantved, betek 1790)" (lusket gant Rafael Urien)

D’ar Sadorn 29 a viz Mezheven 2019, 2e30 goude merenn, e tavarn ar Finnegans, 46 straed Aristide Briand, KEMPER

En eil lodenn an 18vet kantved e kendalc'h pennadurezhioù Breizh, er Breudoù ha dreist-holl er Stadoù, da zifenn start frankizoù Breizh dirak ar galloud gall. Met muioc'h-mui e teu an "unvaniezh" vreizhat-se da darzhañ pa 'z a bourc'hizion ar c'hêrioù da rendaeliñ kefridi hengounel an noblañs da zifenn Breizh, e anv ar c'hevatalder a-fet tailhoù pergen, kement-se a-unan gant selloù bourc'hizelezh ar C'hwec'hkorn, hep tamm damant ebet ken evit dibarder Breizh. Adalek an hañv 1788 e teu an disrann-se da vezañ krenn ha peurbadus da vat, pezh a lako Breizh d'en em deuziñ e roud an Dispac'h gall, ha da goll hec'h ensavadurioù dibar e deroù 1790

Mennet eo ar Gevredigezh vrezhon da grouiñ ur vuhez kevredigezhel brezhon dre obererezhioù liesseurt : displegadennoù mareadek war dodennoù lieseurt (istor, douaroniezh, fizik, armerzh, prederouriezh, lennegezh…), c’hoariva, festoù-noz, mennozhioù a bep seurt da ziorren diouzh kinnig ar berzhidi… Kinnig a reor traoù a sell hon amzer kempred hag an dazont, kuit a gement spered “folklorel“ a ve, hag a sell kenkoulz Europa hag ar bed a-bezh ha Breizh hag ar broioù keltiek all Sevel e Breizh a-bezh ur rouedad kreizennoù lec’hel a vuhez kevredigezhel brezhon eo pal “Kevredigezh Vrezhon“…Mard oc’h deuriet gant hon embregadenn e c’hellit mont e darempred ganeomp a-benn krouiñ kreizennoù lec’hel en ho kornvro

[ Gwelout pennadoù all Kevredigezh Vrezhon]

Vos 0 commentaires

Commenter :

Put your name here

ABP

Agir

Nous suivre