Mammenn sonennoù Breizh a zo e Bro Gwened, kement a donioù a vez kavet enni ! Setu Jorj Belz, mestr kaner ha dastumer o tisplegañ d'ar stajidi tammoù an teñzor dastumet gantañ.

Dek stajiad evit ur stummer aketus ha prest da respont d'an holl c'houlennoù. Petra a dalvez ar ger " Pourleth" ? Bro Aleth peotramant ur ger o tont eus ar ger galleg "bourrelet",ul lodenn eus dilhad ar merc'hed, perak pas ?

Tonioù a seblant da Yann brezhoneger hengounel a zeu eus Iwerzhon, Bro C'hall, Kembre ...

Pa oa pevar c'helc'h keltiek e Breizh, e Pondi, Kemper,... e veze lañset tonioù a rae berzh hag a-wechoù ne oant ket eus Breizh tamm ebet, unan deus outo, brudet-tre, a zeu eus Gresia zoken !

A-hed an deiz e oa bet displeget gant Jorj Belz pinvidigezhioù glad kanet Bro Gwened : laride diouzh ar c'hizh er bloavezhioù 1900, o tont alies eus tonioù bale, kas a barzh, an dro, hanter dro, kanet asambles ouzh an daol pe pa veze an dud o tañsal.

Bourrus e oa evit ar stajidi ha "mersi bras" dezhañ, o deus lavaret an holl stajidi asambles.

Fanny Chauffin pour ABP
6 février 2011
10:50:00 — modifié le 31/1/2026 00:29
Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....