Politikel-kenañ e oa an diviz, gortozet e oa gant an holl. Abaoe hirio (ar merc'her 17vet a viz genver 2018) eo anavezet da vat. Padet en deus ar brezegenn un 20 vunutenn bennak gant Edouard Philippe, kentañ-ministr, Gérard Collomb, ministr aferioù ar vro pe an diabarzh, azezet sioul, en e gostez.

Setu, berr ha berr, an tri dra bouezusañ bet diskleriet:

. Echu eo gant raktres an dreuskasadenn (Bouguenais e su an Naoned / Intron-Varia al lanneier e norzh an Naoned) .

. Adnevesaet e vo an aerborzh a-vremañ (savadurioù an nijva evit ar veajourien, al leurenn-douariñ evit douarañ/dibradañ).

. Dieubet (golloet) e vo ar ZAD (tachennad da zifenn, hervez ar re a zo a-enep) ha diskoulmoù a vo kavet evit ar re n'int ket feulsterien hag a fell dezho kenderc'hel gant labour douar eno.

Aes e vo d'an holl kaout titouroù, ma n'eo ket ar brezegenn en e bezh (war-dro 20 vunutenn) deuet eus genoù Edouard Philippe, e palez an Elysée (Pariz).

An teuliad kaset da benn gant Anne Boquet, Michel Badré, Gérard Feldzer ha kaset d'ar gouarnamant d'an 20vet a viz Kerzu 2017 a vo kavet e penn al liamm amañ :

(voir le site)

hag, evit ar re n'eus ket amzer dezhe, setu chomlec'h ar berr-ha-berr:

(voir le site)

Betek-henn n'eo ket bet ken aes kaout fotoioù e-leiz diwar al lec'h. Setu perak e vez kinniget amañ ur c'haier a luc'hskeudennoù bet tennet e nevez-amzer 2017.

A-walc'h evit kompren an endro: ar savadurioù, ar maezioù,... hep ankounac'hat eur foto eus ar skeudenn vraz war blasenn ar gêriadenn: Intron-Varia Al Lanneier... a vez graet ivez Kernitron-al-lann war ar gartenn vrezhonek embannet meur a vloaz zo, ma m'eus soñj mat.

Da heul ar re-se, div foto eus ar c'helaouiñ dre an tele (pe ar skinwell, pe c'hoaz ar post-braz) hirio.

Talvoudus e vo, kredapl braz, evit lenn ar gazetennoù, selaou ouzh ar radio, sell ouzh an tele, en devezhioù da zont.

........................................................................

Addendum: notennoù a-zivout ar yezh relijiel:

notenn1 : Intron-Varia pe Itron-Varia?

• evit al lodenn vrasañ eus ar geriadurioù (Al Liamm, Favereau, Seité, Merser,...) e vez lâret an daou zoare, d.l.e. Itron pe Intron. Ne vern evito, war e seblant ? Le Gonidec (1847) a lâr: ann Itron Varia. Troude (1876) a lâr: Ann Itroun-Varia.

• ar Minihi Levenez - Leor an overenn, Kantikou Brezoneg a-viskoaz hag a-vremañ (2003) - dindan bluenn Job an Irien a lâr: Itron Varia koulz hag Itron Santez Anna war ar memes patrom.

• gwelet ivez geriadur istorel rouedadel Martial Ménard (2016): (voir le site)

notenn2: Maria pe Mari ?

(an) Itron-Varia a vez kavet e pep lec'h. Kemmadur dre vlotaat da heul Itron pe Gwerc'hez.

Gwerc'hez Vari pe ar Werc'hez Vari a vez kavet e pep lec'h ivez. Da skouer: Ar Werc'hez Vari hor Mamm, ul levr (1937) brav-kenañ e yezh gant an Tad Medard.

• Pourquoi NDDL n'a pas été construit par Philippe Argouarch le 07/11/2018
• Aéroport de Notre-Dame des Landes : le rapport des experts ne justifie pas le transfert de Nantes Atlantique par Jeunes Démocrates/Mouvement Démocrates le 14/12/2017
• Un nom en lien avec la Bretagne pour l'aéroport de NDDL ? par Pour un Oui Breton à NDDL le 08/07/2016
• NDDL : l'avis du groupe "Pour un Non breton à NDDL" suite à la consultation du 26 juin 2016 par Groupe pour un Non breton à NDDL le 05/07/2016
• L’aéroport de NDDL, la confiance dans l'avenir par Pour un Oui Breton à NDDL le 30/06/2016
• Projet d'aéroport à Notre-Dame des Landes par Génération Ecologie Bretagne le 28/06/2016
• Bretagne Réunie présente au référendum de NDDL : 7.100 signatures pour la pétition "les 100.000" par Bretagne Réunie le 26/06/2016
• Non, les anti-aéroports à NDDL ne sont pas que des doux rêveurs ou des casseurs d'abribus ou de policiers par Didier Lefebvre le 11/06/2016
• Oui Breton à NDDL : pétition de l'appel en ligne ! par Pour un Oui Breton à NDDL le 11/06/2016
• La Commission Nationale du débat public met en ligne un dossier complet sur NDDL avec le POUR et le CONTRE par La rédaction le 10/06/2016