Internet hag ar brezhoneg : un istor da ijinañ ha da lakaat buan e pleustr
Communiqué de presse de Taol Kurun

Publié le 11/11/13 12:53 -- mis à jour le 00/00/00 00:00
:
:

Bodet 'oa bet, e Gwened, aktourien an Internet e brezhoneg : lec'hiennoù radio, kreizennoù stummañ, amerikan zoken...

Toutes nos newsletters et tous nos agrégateurs sont gratuits ! Abonnez-vous ! (voir le site)

Krouet zo bet, gant Sten Kidna, ul lec'hienn pleustrek-kenañ gant kentelioù noz enlinenn. Ne skriv ket kalz a dra an deskad(ez), forzh penaos e vez tu dezhi/dezhañ skrivañ, pe vizskrivañ kentoc'h, er gêr war h/e urzhiataer. Evit ar re n'int ket kevreet ouzh internet ? Pe n'o deus urzhiataer ebet ? 20% zo anezho e Breizh memestra... Ar buhezour a lâr n'en deus ket gwelet den ebet e Sten Kidna na c'hallfe ket kevreañ ouzh internet.

'Ba Naoned eo gant Anna Jaouen e vez lakaet rouedad ar radioioù da vont war-raok : abadennoù c'hwec'h radio enlinenn, kenlabour etreze, dielloù evit adkavout abadennoù war an hevelep danvez, hag evit Mael/a brezhoneger/ez, peadra da selaou gant dielloù evit ar vugale, tresadennoù, teuliadoù da bellgargañ...

Gant Edubreizh, renet gant Erwan Denez, setu kentelioù noz er gêr, live A1 evit poent : poelladennoù e-leizh, enrolladennoù, ha tu zo da enrollañ h/e m/vouezh war-eeun ha da genveriañ gant ar pezh a zo bet enrollet gant ur brezhoneger/ez m/vat.

Evit Jean-Michel Sanner e talvezfe ur MOOC krouiñ un dra nevez e Breizh, un doare skol-veur enlinenn, e brezhoneg, gant pennadoù skiantel, filmoù video. Ha marteze a-walc'h e vefe tu, evel gant COURSERA (coursera.org), tremen diplomoù. 100 milion a studierien a labour e mod-se er bed. Neuze, kelennerien skol-veur, studierien, tud arbennik war un danvez bennak (skiantoù, prederouriezh, mekanik...), tapit ho kameraioù, prientit ho testennoù... evit ur MOUK e brezhoneg !

Vos 1 commentaires
  François Corre
  le Mercredi 13 novembre 2013 17:44
"Evit ar re n'int ket kevreet ouzh internet ? Pe n'o deus urzhiataer ebet ? 20% zo anezho e Breizh memestra..."
Ma?! Penaos e veze graet gwechall? Kentelioù noz pe kentelioù dre lizher, stajoù, levrioù, pladennoù, ha me 'oar-me zo bepred, din da c'hoût. N'int ket steuziet kuit gant Internet.
(0) 
ANTI-SPAM : Combien font 5 multiplié par 8 ?
Cet espace est un lieu de débat. Les attaques personnelles ne sont pas autorisées. Le trolling est interdit. Les lois contre le racisme, le sexisme, et la diffamation doivent être respectées. Les pseudos sont tolérés mais ne sont pas encouragés.
MERCI DE RESPECTER LA LANGUE DE L'AUTEUR de l'article et donc des lecteurs. Les articles écrits en français doivent être commentés en français, les articles écrits en breton doivent être commentés en breton. Cacophonie ? Merci de ne pas mélanger les langues dans le même commentaire, sauf pour la traduction intégrale du commentaire.