Gwened : deiziataer sevenadurel an hañv zo enlinenn

Divyezhek penn-da-benn eo lec'hienn genrouedad kêr Gwened. Kavet e vez e-barzh an holl ditouroù ret diwar-benn ar gumun ha buhez hec'h annezidi. Un nevezenti e 2008 : e brezhoneg e vez kinniget an deiziataer sevenadurel diwar vremañ.

Divyezhek penn-da-benn eo lec'hienn genrouedad kêr Gwened. Kavet e vez e-barzh an holl ditouroù ret diwar-benn ar gumun ha buhez hec'h annezidi. Un nevezenti e 2008 : e brezhoneg e vez kinniget an deiziataer sevenadurel diwar vremañ.

Ur gêr brudet evit an arz hag an istor eo Gwened ha kinnig a ra, e-pad mizvezhioù an hañv, ur bern abadennoù sevenadurel ma c'hello kement arvester kavout e blijadur. Festival jazz, sonerezh klasel, abadennoù dañs, diskouezadegoù er C'hoc'hu, er c'hastell, baleadennoù kontet, gouelioù istorel, sinema dido, stourmadegoù war vor… Adalek miz Mezheven betek miz Gwengolo e laka kumun Gwened he holl nerzh evit ma vo mare an hañv mare ar gouelioù bemdez.

Tu zo da lenn roll an abadennoù-hañv e brezhoneg war lec'hienn an ti-kêr abaoe un nebeud devezhioù eta : http://br.mairie-vannes.fr/an_darvoudou_bras_e_gwened/1289/index.html

Plijet e vo brezhonegerien kêr Gwened gant an diviz nevez-se koulz ha “Yann vrezhoneger” deuet da dremen vakañsoù er vro.

Klotañ a ra gant an argerzh lakaet e pleustr gant ar c'huzul-kêr e 2007 p'en deus divizet sinañ ar garta Ya d'ar brezhoneg.

http://www.mairie-vannes.fr/culture/culture_bretonne/2318/index.html evit gouzout hiroc'h war ar garta ha war ar brezhoneg e Gwened.