Gouel Bro Douarnenez 2010 : reuz ba’ vro

Evit ar 14vet gwech, "Emglev Bro Douarnenez" 'zo vont da ginnig da tud Bro Douarnenez hag ar bed a-bezh abadennoù a bep seurt "adalek ar 16 a viz Here betek an 21 a viz Du". E-pad ouzhpenn ur mizvezh e vo lakaet war wel hor sevenadur hag hor yezh

Evit ar 14vet gwech, "Emglev Bro Douarnenez" 'zo vont da ginnig da tud Bro Douarnenez hag ar bed a-bezh abadennoù a bep seurt "adalek ar 16 a viz Here betek an 21 a viz Du". E-pad ouzhpenn ur mizvezh e vo lakaet war wel hor sevenadur hag hor yezh, war pep tachenn, gant plijadur ha startijenn, evit an holl !

"Roet vo lañs d'ar Gouel gant un dibenn sizhun fonnus, d'ar 16 ha d'ar 17 a viz Here."

Evit ar re o deus c'hoant deskiñ, kregiñ barzh pe mont war raok, e vo kinniget "Stajoù" kan ha diskan, gavotenn ha brezhoneg war vor.

Ar re vihan e c'hello dizoleiñ ar sonerezh blues ha jazz, gant "Repris de Justesse" ha Junior Swing Parade, ur sonadeg divyezhek a lako anezhe da zañsal ha da ganañ.

Sadorn 16, 5 eur, Ty ar Yaouankiz ha Sevenadur, Douarnenez).

Ar re a blij dezhe tañsal o devo plijadur bras gant ur "fest-noz hir hir" d'ar sadorn noz, deus 7eur noz betek 2 eur mintin, gant "Startijenn, Termajik, Erik Marchand, Gaby Kerdoncuff ha Jean Floc'h, Jean-Pierre Quéré ha Christophe Me Lenn, Ghyslaine Sergent ha Koulmig Hascoët, Pierre Stéphan ha Mick Boennec, Bagad Douarnenez" hag ar fanfar "A bout de souffle"...

Peadra a vo da zebriñ ha da evañ war al lec'h evit kaout startijenn evit an nozvezh-pad...(Sal ar gouelioù Douarnenez).

Ha d'ar Sul e vo pedet "Lazh kanañ Breizh", evit plijadur an divskouarn : 100 kaner ha kanerez ha 10 soner deus Penn Ar Bed a-bezh renet gant Kristian Desbordes, o kas hor yezh war raog dre kanaouennoù eus ar vro, hengounel pe a-vremañ. (4e / Sal ar gouelioù Douarnenez)

Kavit amañ kevred ar programm gant an holl titouroù

E-barzh Emglev Bro Douarnenez emañ bodet kevredigezhioù sevenadur Breizh bro Douarnenez : Ulamir ar Gwaien, Div yezh bro Douarnenez, Gouel ar Filmoù, Korriged Is, Daoulagad Breizh, Unvaniezh ar Gelennerien Brezhoneg, Bagad Douarnenez, Ti ar Yaouankiz hag ar Sevenadur, Mervent, Roudour…