D'ar sadorn 11 a viz C'hwevrer e vo dalc'het Gouel Ai'ta ! e Brest, er sal dindan an ti-kêr. An devezh-se a vo un digarez a-feson da gejañ ouzh tud Ai'ta, da skoazellañ ar stourm evit ar brezhoneg ha da riboulat asambles evel-just !
Diouzh ar beure en em vodo izili ha mignoned Ai'ta ! da 10 eur 30 evit sevel ur bilañs deus an oberennoù kaset da benn e-pad ar mizioù tremenet, war dachenn Ar Post, an tramway hag ar panellerezhioù foran dreist-holl. Lakaet e vo ar gaoz war an oberoù hag a vo war ar stern e deroù 2012, en o zouez manifestadeg vras Kemper d'ar 31 a viz Meurzh. Digor e chom ar strollad da gement hini en defe c'hoant da gemer perzh !
Etre 6 eur ha 7 eur d'abardaez e vo degemeret Kembreiz Cymdeithas yr iaith. Dont a rafont da ginnig o strollad hag a stourm abaoe meur a zek vloaz evit kas o yezh war-raok en o bro. Sklaer eo en do Yann Vrezhoneger ur bern traoù da zeskiñ digante war ar mod da aozañ ha da gas ur stourm da benn vat. Digoust ha digor d'an holl ivez.
Da 8 eur e krogo ar sonadeg fest-noz gant sonerien deus ar c'hentañ : tud Alambig Elektrik, met ivez ar Breizh Akademy Cirkus, an triad Soubigou – Bourouleg – Kreac'hkadeg, ar c'houbladoù Stervinou – Broustal, Bihan – Hir, Jean-Claude ha Rozenn Talek, Fanchig ha Clem'... Kavout a ray ar riboulerien peadra da derriñ o naon hag o sec'hed war al lec'h, koulz hag un toullad standoù. Hag e-kerzh ar fest-noz e vo skignet un nebeud filmoù savet gant Canal Ti Zef.
Titouroù : ai.ta.breizh [at] gmail.com
- Soutien du Parlement de Bretagne au Collectif Ai'ta par Parlement de Bretagne - Dael Breizh le 19/11/2019
- Tro dro da Ziwan : an Oaled, DABU ha DARE, gouren, melldroad, Ai'ta, Gast... par Kerne Multimédia le 01/01/2018
- Galv da vanifestiñ : ur stourmer Ai'ta ! galvet gant an archerien evit bezañ dist par Ai'ta ! Kreiz Breizh le 20/04/2017
- Désobéir pour la langue bretonne par Ai'ta ! par Éditions Yoran Embanner le 05/04/2016
- Procès en correctionnelle pour un militant du collectif Ai’ta ! le 23 février à Vannes par Ai'ta ! Bro Gwened le 18/02/2016
- fest-noz Ai'ta BREST le 13 février 2016 par le 19/01/2016
- NEDELEG 2015 E BREZHONEG par Comité Bretagne-Galice le 07/12/2015
- Festival interceltique Lorient 2015 : action Ai'ta! stand Université de Bretagne Sud (UBS) par Ai\'ta ! Bro Dreger le 10/08/2015
- Emgav etre Ai'ta! ha Kengredit Breizh par Ai\'ta ! Bro Dreger le 10/06/2015
- Le collectif Ai'ta! rencontre le Crédit Mutuel de Bretagne par Ai\'ta ! Bro Dreger le 10/06/2015