Setu galv an UDB Kreiz Breizh evit mont da vanifestiñ diriaou
Kemennadenn: 13/01/2023
UDB Kreiz Breizh a sav a-enep adaoz ar retredoù hag a c’halv da gemer perzh e manifestadeg Karaez d’an 19 a viz Genver 2023
Pezh a ouzomp eo e vez muioc’h-mui a dud en dilabour a-raok bezañ bet gouest anezhe da lakaat da dalvezout o gwirioù evit o leve. Pa zeu fin oc’h amzer labour e teu an traoù da vezañ diaesoc’h-diaesañ gant an dud ha kalzig anezhe zo skuizh-divi, divarrek da labourat pe gant un ehan-labour. Ampellañ oad ar retred da 64 bloaz a-benn 2030, diouzh un trimiziad ar bloaz adalek miz Gwengolo, a lakao an niver a dud a gemero o leve abretoc’h da greskiñ ha live ar pañsionoù da zigreskiñ dre-ma vo uheloc’h an diskodoù. Gant ur skodenniñ evit ar retred lakaet da 43 bloaz hag ar re yaouank a zo war ar studi o kregiñ diwezhatoc’h gant o labour e vo nebeutoc’h a vicherouerien gouest da gaout ur retred klok.
Goude an dud dilabour eo tro ar retredidi da zegas arc’hant e kefoù ar Stad. Dav vo deomp-ni bezañ niverus-tre er straejoù ha stourm kalet ouzh ar gouarnamant evit dont a-benn da lakaat anezhañ da zilezel e raktres direizh… n’eus ket met-se d’ober ! Neuze e c’houlomp gant an holl mont er straejoù : ar vicherourien, an implijidi, an dud dilabour, ar retredidi…
UDB Kreiz Breizh
Commentaires (1)
fin O amzer labour.
Un toull 200 miliard a vez bep bloaz e kef ar Stad. Ouzhpenn 3000 miliard a zleoù. Ne vez ket bugale a-walc'h o c'henel evit paeañ ar pañsionoù pa vint bras. An UDB evel boaz a zo stag e garr ouzh ar PSF hag an ekolomaniaked hep kinnig tra ebet, e-lec'h lakaat ar gaoz war emrenerezh Breizh dre an unvaniezh etre an HOLL vretoned. An UDB a zo un toull kleizelourien ha n'eus ket, e mod ebet, broadelourien vrezhon anezho.