Formulennoù stajoù-berr nevez e brezhoneg

- Communiqué de presse -

Brudet eo aozadur Stumdi evit e stummadur hir 6 miz hag a ro tro da zeskiñ an diazezoù ret evit ober gant ar brezhoneg war ar pemdez. Kinniget e vez ivez

Annaig Guedes pour Stumdi le 17/10/12 10:48

Brudet eo aozadur Stumdi evit e stummadur hir 6 miz hag a ro tro da zeskiñ an diazezoù ret evit ober gant ar brezhoneg war ar pemdez.

Kinniget e vez ivez gant an aozadur, stajoù tri devezh / ur sizhunvezh evit an holl. Digor eo ar stajoù berr da nep piv bennak a fell dezhañ deskiñ diazezoù ar brezhoneg / ar galoeg pe gwellaat e live yezh dre skrid ha dre gomz o kemer plijadur.

1. Formulennoù tri devezh

Emdreiñ a ra kinnig stajoù berr Stumdi er bloaz-mañ evit respont d'ar goulennoù nevez. E plas ar sizhunvezh staj e vo kinniget gant an aozadur er bloaz-mañ meur a formulenn 3 devezh.

Goude bezañ graet un taol-esae er bloaz tremenet evit unan eus o stajoù, eo bet merzhet gant skipailh Stumdi e plije ar formulenn d'an dud hag e oa degemeret mat kenañ peogwir e veze roet tu d'an dud da zerc'hel un nebeut devezhioù evit diskuizhañ e-pad o vakañsoù hag e veze kinniget ur priz marc'hadmatoc'h a c'hell sikour da heuliañ meur a staj da skouer.

Krouet pe dreuzfurmet eo bet ar programmoù evit ma c'helfe ar stajidi mont buan war-raok dindan tri devezh.

2. Zoum war un nevezenti e-pad vakañsoù an hollsent

Kinniget e vez gant an aozadur e-pad vakañsoù an hollsent, daou staj a c'hell bezañ bodet.

- Staj kentañ : Staj d'an daoulamm war ar brezhoneg d'an 29-30-31 a viz Here 2012 e Landerne evit ur publik gant ul live etre (1-2). Kinniget e vo ar c'hentelioù e brezhoneg hag e galleg gant ar pal kreñvaat diazezoù pep hini, pinvidikaat ar yezh komzet ha gwellaat an distagadur. Roet e vo tro d'ar berzhidi da gemer perzh dre skrid ha dre gomz.

- Eil staj : ober traoù gant brezhonegerien a-vihanig d'ar 5-6-7 a viz Du 2012 e Plougerne evit an dud a zo gouest da gaozeal brezhoneg hag a fell dezho ober gant ar yezh en diavaez eus ar c'hentelioù. Kinniget e vo an tri devezh e brezhoneg : Kroget e vo ar mintinvezhioù gant kaozeadennoù evit gwellaat al live dre gomz. Selaouet e vo enrolladennoù (kompren dre skrid ha dre gomz). Goude-merenn e vo kinniget kaozeadennoù gant ur brezhoneger(ez) hag e vo enrollet ha treuzskrivet ar pennad-kaoz. Kinniget e vo ivez an « tro velo » : baleadenn heñchet e brezhoneg gant Ti ar vro Lesneven, stalioù a bep seurt (dañs, kan...).

Chom a ra plasoù c'hoazh war ar formulenn-mañ a vo kinniget en-dro e-pad vakañsoù miz C'hwevrer 2013.

Dizoloit an holl ditouroù war hor stajoù berr el levrig da vezañ pellkarget war hol lec'hienn Internet : www.stumdi.com.

Gwelout pennadoù all Stumdi

Vos 0 commentaires :

Commenter :

Put your name here

ABP

Embann

Nous suivre