Put your name here

Ur sizhunvezh goude bezañ kroget da labourat a-zevri evit bodañ an dud, ouzhpenn 7000, en-dro d'hor goulenn evit kaout Facebook e brezhoneg e krog an traoù da fiñval.

Resevet hon eus ar respont kentañ a-berzh skipailh Facebook. Deuet eo dre ar skipailh a ver an troidigezhioù. Ur respont, e galleg, zo bet kaset deomp : "Facebook e brezhoneg a fell deoc'h. Mat eo, komprenet-mat hon eus. Emañ e-touez ar yezhoù da vezañ ouzhpennet, asambles gant ur bern yezhoù all. Un tamm pasianted c'hoazh".

Laouen omp o welet eo bet prim Facebook o respont. Diskouez a ra hon eus labouret mat. Gouzout a reomp bremañ n'emaomp ket o klask komz ouzh tud a rafe skouarn vouzar deomp. Plijet omp ivez gant ar c'hemenn sklaer a lavar emañ bremañ ar brezhoneg war roll ar yezhoù zo da vezañ ouzhpennet.

Koulskoude ez omp nec'het o lenn n'eus bet kinniget tamm deiziataer ebet evit mont war-raok hag o welet eo hir-daonet, evit doare, ar roll yezhoù da vezañ pledet ganto.

Setu perak ec'h embannomp en-dro hor youl ma vo bastet d'hor c'hoant an abretañ posupl hag e chomimp unanet en-dro d'hor strollad "Facebook e brezhoneg", betek ma vo kinniget e gwirionez ar brezhoneg war etrefas ar rouedad.

Trugarekaat a reomp an holl re a harp ac'hanomp da emezelañ er strollad :

(voir le site)

ABP

• Diwar-benn
• Darempred
• Menegoù hervez lezenn
• Données personnelles
• Mise en page
• Ligne éditoriale
• Sur wikipédia

Embann

• Demander une accréditation
• Contacter la rédaction
• Poster votre communiqué vous même
• Écrire une dépêche
• Envoyer un flash info

Nous suivre

• Newsletters
• Flux RSS - français
• Flux RSS - breton
• ABP sur Facebook
• ABP surTwitter
• Chaîne Youtube ABP
• ABP sur Google