Eus Naoned da Shanghai, kentelioù brezhoneg esporzhiet !

- Dépêche -

Kentelioù brezhoneg bremañ roet e Shanghai, kêr vrasañ Sina. An dra-mañ ivez eo ar bedeladur!

Mathieu Guihard pour ABP le 13/12/08 7:41

Ar brezhoneg a oa dija kelennet en estrenvro : Londrez ha Pariz, Moskva hag Ottawa, Kerdiz ha Kopenhagen, Kologn pe c'hoazh Helsinki. Met souezhus e oa da verzout ne oa kentel ebet roet en Azia! Deuet eo da wir bremañ gant ur Breizhat eus Shanghai, sikouret gant Kentelioù an Noz, ar gevredigezh eus korn-bro Naoned evit an dud deuet. Roet eo bet eta hentennoù pedagogel ha skoazell aveel dezhañ.

Krog eo an c'hentelioù abaoe ur mizvezh bremañ, 6 deskard enno, kement a baotred ha merc'hed. An holl a zo laouen da zeskiñ yezh o bro en ur vezañ en tu all d'ar bed. Spiañ a ra o c'helenner, Herve Garandel, e vo Sinaiz a lako o anv en amzer dazont. An dra-se ivez a c'hall kemer perzh e tostaat sevenadurezhioù Sina hag Europa an eil diouzh eben.

Herve emañ e Sina abaoe 3 bloazh e lec'h m'emañ o kenderc'hel e red-micher kroget e Bro-C'hall. Desket en deus ar mandarineg, yezh vehikular Sina. Dimezhet eo bremañ gant ur Sinaez bet e gelennerez. Sot eo ar penn ar raktres-mañ a-vicher gant ar yezhoù, ha komz a ra ivez saozneg hag alamaneg. Ar brezhoneg avat zo bet desket gantañ en e-unan, gant sikour al levrioù eus an dek bloazh diwezhañ hag ar Cd-rom « Brezhoneg pa gari ». Ret eo lavaret en doa bet kizidikaet d'ar yezh e skolaj Kordevez, etre Naoned ha Sant-Nazer, pa oa krennard. Met d'ar mare-se, soñj en deus n'en doa ket gwelet ar binvidigezh a oa bet lakaet en e gerzh. N'eo nemet pa oa deuet da oad-gour en doa komprenet e oa pouezhus lakaat ar brezhoneg da chom bev. Souezhus eo da welet eo ar memes tra gant an dud all eus e glasad. Kejet en deus ganto en-dro, ha kazi an holl en deus distroet d'ar brezhoneg ur wech en oad !

Ar spered digor-mañ a zo kaoz a vez implijet ivez gant Herve ouzh yezh ha sevenadur Sina e lec'h m'emañ o chom bremañ. Yezhoù Sina a vefe reizhoc'h da lavaret. Da skouer ar shanghaieg, ur rannyezh eus ar woueg, komzet gant 14 million den. Ar woueg zo un doare da gomz sinaeg, ar muiañ a gomzerien gantañ war-lerc'h ar mandarineg : 87 million a dud.

Ur re Bretonned bennak a vez kavet e Shanghai, un ti-krampouezh zoken! An ezvroiz eus ar veurgêr-mañ, hini boblekañ ar vro, en deus savet ur gevredigezh, « KerShanghai ». Un digarez da vevañ o sevenadur ha da lakaat ar re all da zizoleiñ o bro. Lidañ a reont da skouer Gouel Erwan bep miz Mae. E Breizh ivez e vez tud eus Sina. Ar pennadurezhioù sinaat emañ zoken o paouez digeriñ Ensavadur Konfusius Breizh e Roazhon, evit gwriziaouiñ o bezañs amañ. Kentelioù mandarineg a vez kinniget da skouer.

Voir aussi :

De Hong Kong à la Chine, la face cachée d’un Empire par La liberté de l'esprit le 03/11/2021
Quand la Chine attaque l'UNPO (en citant les Bretons) dans son organe de presse Global Times ! par KAD le 24/07/2020
Les tribulations des Bretons en Chine par Bernard Gestin le 07/12/2019
Rencontre avec Pierre Orefice, cocréateur des machines de l’ile à Nantes par Bretagne Réunie le 05/12/2019
Les tribulations des Bretons en Chine par Bernard Gestin le 28/11/2019
« Les tribulations des Bretons en Chine » le nouveau livre de Roger Faligot par ASSOCIATION LA BOUEZE le 23/10/2019
Quand la "Machine France" bloque toute évolution positive par Jean-Jacques Monnier le 18/12/2018
L’ENSCR et la FGL renforcent leur coopération avec la Chine par ENSC le 26/10/2018
Position de la France vis-à-vis des prélèvements forcés d’organes en Chine par Le blog de paul Molac le 22/03/2018
Le made in Breizh s’exporte en Chine via le téléachat par Parti Breton Pays de Rennes le 15/04/2017

Cet article a fait l'objet de 1582 lectures.

Gwelout pennadoù all gant Mathieu Guihard

Vos 0 commentaires :

Commenter :

Put your name here

ABP

Embann

Nous suivre