Euroskol, Barzhaz Breizh ar Yaouankiz, hag e 2018 ?

- Chronique -

Pegen bihan e seblant bout ur skol Diwan pa vez gwelet anezhi… Met pa vez bodet an holl, pe lod anezhe, aze e vez gwelet un nerzh divent, ur c'hoant da vont pelloc'h, bugale laouen da welout ar re all o vrezhonegiñ, ha raktresoù da gas a-hed ar bloaz, gant ar vugale, ar gerent, ar gelennerien all...

Fanny Chauffin Par Kerne Multimédia le 5/09/17 9:55

Réalisation :

Euroskol

Evit lidañ dek vloavezh ar rouedad skolioù Diwan e oa bet lidet war an ton bras e Brest e 1988 gant ur c'haner mil vrudet : Johnny Clegg o kanañ « Asimbonaga », ur mor a dud a oa deuet d'ar Penfeld evit selaou anezhañ hag an holl skolioù Diwan. Ur pezh c'hoari, « Ma c'helljen-me kanañ laouen » a oa bet c'hoariet, setu testeni Phil al Lay :

" Ne vo ket lakaet bewech beaj Maelduina, n'eus ket tu mont ken pell bewech, met evit Kervarker 'oa bet graet ar memes tra. Se a oa ul lusk ' benn ar fin, aze e oa ur pezh mell raktres, ar skol hag ar skolaerien o doa da raktresañ an dra-se e pad ur miz da nebeutañ, hag e oa rediet ober brav, en em ziskouez ha tout, an dra-se a rae memestra, ha benn ar fin, e oa ur sikour da vat evit ar skolaerien peogwir e roe dezho ur pal, ur pal dermenet". (Phil Le Lay).

Barzhaz Breizh ar Yaouankiz

Ur pezh mell raktres c'hoariva zo bet kaset div wech gant skipailh Goulc'han Kervella : leurenniñ ar Barzaz Breizh e Maner Kernod e miz Mae 1995. Bugale ampart, gwisket brav evit c'hoari markiz Pontkalleg, bosenn Ellian, Meurlarjez Banaleg… Siwazh e oa bet taolioù kurun ha glav da nav eur noz met adc'hoariet e oa bet e c'hoariva kozh Montroulez gant ur sal leun-chouk ! Barzaz Breizh ar Yaouankiz a oa bet e Montroulez gant ar skolioù ivez, hag evit ar c'hentañ Redadeg, setu e sal Glenmor holl skolajidi Diwan Kemper war al leurenn (seizh klasad) o c'hoari « Nomenoe-oe », skrivet gant Jakez Riou, ha leurennet, ur wech adarre, gant Goulc'han Kervella ha strollad Ar Vro Bagan. Ha petra 'vo evit 40 vloavezh Diwan e 2017-2018 ?

Voir aussi :

Ar c’henaozadur Kevre Breizh a c’halv d’en em sevel evit difenn ar brezhoneg d'an 3 a viz C'hwevrer e Sant Brieg par Kevre Breizh le 02/02/2024
La coordination Kevre Breizh appelle à la mobilisation pour soutenir la langue bretonne le 3 février à Saint-Brieuc par Kevre Breizh le 02/02/2024
Diwan et Ti ar Vro soutenus par l'UDB et le Parti Breton appellent à manifester samedi à Saint-Brieuc par La rédaction le 02/02/2024
KOUN BREIZH soutient l’appel à manifester lancé par DIWAN à SAINT-BRIEUC le samedi 3 février 2024 par Koun Breizh - Bertaign Tenant - Mémoire-de-Bretagne le 22/01/2024
Jean-François Bernardini : ur stourmer evit ar yezhoù gwasket par Kerne Multimedia le 23/08/2023
Kollog Breizh keltiek : Rozenn e kreiz ar stourm par Kerne Multimedia le 05/08/2023
Tremen an DNB e brezhoneg : perak ne c'hellfent ket re Ziwan ober evel re Seaska ? par Kerne Multimedia le 25/06/2023
Pluenn varzhoniel Loig Kampion par Kerne Multimedia le 19/06/2023

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

Gwelout pennadoù all Kerne Multimédia

Vos 0 commentaires :

Commenter :

Put your name here

ABP

Embann

Nous suivre