Energiezh : penaos cheñch penn d'ar vazh ?

- Conference debat -

N'int ket niverus an dud a glask un hent all evit an energiezh, ken boaz omp da implij tredan o tont deus pell. Met memestra poent eo klask doareoù efedus ha marc'hadmat da broduiñ tredan tost deus an ti.

Fanny Chauffin pour ABP le 5/12/10 17:30

Deuet e oa Muriel Morvan da skolaj Diwan Kemper da ziskouez he film diwar-benn kêriadenn ekologel Silfieg. Da c'houde e oa bet displeget ganti ur bern traoù simpl, met a vez kuzhet ingal e bed ar c'helenn hag er media.

Eus pelec'h e teu energiezh Breizh ? 7% nemetken a vez produet amañ. Kenveriañ a ra ar produiñ tredan gant nerzh nukleel gant mont en-dro ar galon. Kreizennet-spontus eo an tredan e Bro-C'hall.

Kreizennoù nukleel (50 anezho e Bro-C'hall) a vez o produiñ 80% eus an tredan. Tamm emrenerezh ebet gant an dud, ret eo adwerzhañ da EDF an tredan produet en ti, pa vez anezhañ. An uraniom hag an eoul maen n'int ket peurbadus : un deiz bennak e vo ret deskiñ bevañ hepto. E Brenniliz, tredan a zo bet produet e-pad 25 bloaz, hag e vo saotret an endro e-pad miliadoù a vloavezhioù. Ha talvezout a ra ar boan kenderc'hel ?

Penaos ober neuze ? « Dilojañ a ran evit mont da chom da Alamagn » eme vab Muriel Morvan. N'eo ket an diskoulm, ret eo kavout diskoulmoù amañ, zoken ma'z eo spontus an dale hon eus tapet.

Nedeleg ? C'hoarioù plastik produet e Sina, hag e vez graet « diorren padus » eus an dra-se ? Ret eo dispign nebeutoc'h a energiezh, lakaat ur stammenn ouzhpenn pa vez yen an amzer, lazhañ ar gouloù, debriñ nebeutoc'h a gig. Hep feukiñ an dud, hep mont re vuan.

Ur gentel ekologiezh, gant ur plac'h a foet bro (Breizh, Mali, ...) evit displegañ gant he filmoù penaos mont war-raok ha kavout diskoulmoù e Breizh...

Voir aussi :

Nukleel Bro C'hall : politikerezh an energiezh, un islonk a follentez par Kerne multimédia le 02/10/2016
An energiezhoù er 15 vet foar Vio par E. Korneg le 28/02/2013
Kudenn an energiezh e Breizh. Un devezh-eskemm e Silieg d'ar 7 a viz Du par Institut de Silfiac – Skol Uhel Silieg le 31/10/2009
WebNoz 20, Kemper diriaou 23. An energiezhioù par WebNoz le 21/10/2008

Cet article a fait l'objet de 1127 lectures.

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

Gwelout pennadoù all gant Fanny Chauffin

Vos 1 commentaires :

Milio Latimier Le Lundi 6 décembre 2010 12:51

Titourig: ar 7% a dredan produet na glotont ket gant Breizh met gant "Rannvro Breizh": ur greizenn produiñ-tredan zo el Liger-Atlantel e Kordevez/Cordemais, a ro ur sifr disheñvel neuze (n'am eus ket soñj pehini eo siwazh!).

(0)

Commenter :

Put your name here

ABP

Embann

Nous suivre