Gant Padrig An Habask eo bet troet e brezhoneg « Euskararen berreskuratzea » hag embannet eo bet gant Al Lanv.

Al levr-se a zo anezhañ ar c'hentañ levrenn eus un dastumad emañ krog ar gevredigezh euskarek Garabide da embann. Un eil levrenn a zo bet abaoe. Gant pep levrenn, embannet da gentañ e peder yezh, euskareg, kalstilhaneg, galleg ha saozneg ez eus pep a z-DVD a c'heller dibab enno yezh an displegañ e-touez ar peder yezh-se ivez (Gwerzhet e vez al levr hag an DVD gallek a zisparti gant al Lanv, evit ar re a fell dezho).

Garabide (hent diorren) a zo anezhi ur gevredigezh euskarek studiet ganti ar sokioyezhoniezh ha dielfennet ganti hent adperc'hennidigezh an euskareg. Ur gevredigezh a fell dezhi bezañ dorn ar bobl euskarek astennet war-zu ar pobloù dezho yezhoù en arvar a fell dezho saveteiñ.

Teir lodenn a zo el levr, un displegadur diwar-benn an dañjer bras m'en em gav kalz a yezhoù dre ar bed hag alc'hwezioù an adperc'hennañ yezhoù, un dezrevell a-zivout ar stourm da adsevel an euskareg hag un sintezenn diwar-benn ar c'hentelioù a c'heller tennañ eus o arnod evit holl yezhoù orin ar bed. Pouez ar yezh-vamm, dont da vezañ komzerien glok, kefridioù ar yezhoù eus ar familh betek an dachenn etrevroadel, youl hag identelezh, setu poentoù a bouez da vezañ komprenet hag ar peder zachenn ret evit ur yezh da c'hellout bevañ : kaout ur yezh unvan, un deskadurezh er yezh, media er yezh hag ur c'hrouiñ sevenadur er yezh.

Talvoudus e vo al levr-mañ da nep piv bennak a fell dezhañ kompren e pe stad emañ ar brezhoneg evit gwir ha d'an holl re a fell dezho kregiñ e-barzh evit saveteiñ hor yezh. Re alies e chom darnel ha diefedus, arouezel hep mui ken, ar stourm evit ar brezhoneg. Aze hon eus peadra da varn, da vuzuliañ, da sevel ur strategiezh evit adlakaat ar brezhoneg en e blom.

14 € (+ 3 € evit ar mizoù-kas) - 14,8 x 21 cm - 68 pajenn - Skigner: Coop Breizh

ISBN 978-2-916745-11-4

Al Lanv

14 Louzaouenn-an-Hañv

22300 Lannuon

02 96 48 03 00

kab [at] brezhoneg.org

• L'événementiel Digibook (2 CD + 1 DVD + 1 livret de 48 pages : Alan Stivell « Liberté - Roazhon ». par Culture et celtie le 17/11/2024
• Prix du livre insulaire 2025 par Culture, arts et lettres des îles le 12/11/2024
• Requiem pour une bibliothèque en langue bretonne par Yvon Ollivier le 20/10/2024
• 28e Salon du livre de Plestin-les-Grèves par le 10/10/2024
• Revue du livre : « Anne de Bretagne : Invasion et Annexion » du Dr Louis Mélennec par ChatGPT le 27/09/2024
• SALON DU LIVRE PLUMES D'EQUINOXE LE CROISIC 28-29 SEPTEMBRE 2024 par MIKAEL REMOND le 21/09/2024
• Festival du livre en Bretagne de Carhaix par le 15/07/2024
• Jean-Pierre Rey, écrivain, honoré au Salon du livre de Lanvollon par I.R. le 29/04/2024
• salon du livre de Lanvollon par le 06/04/2024
• Un livre sur l'archéologie sous-marine en breton par La rédaction le 29/03/2024