EAT : "Kenderc'hel a ra ar manifestadegoù a-enep Lezenn Taubira e Breizh"

Emglev An Tiegezhioù, a zalc'h da enebiñ ouzh lezenn Taubira.

Emglev An Tiegezhioù, a vod tiegezhioù kristen brezhonek aboae 1947, a ziskler ez eo c'hoarvezet kalz a draoù dija en-dro da lezenn Taubira https://www.abp.bzh/monmur.php?auteur=EAT), ha n'eo ket echu evel m'henn diskouez dibenn sizhun an 21-23 a viz mezheven e Breizh : emsav "ar Veilherion" en deus aozet manifestadegoù :

• E Sant Brieg d'ar Sadorn 22 da 21 eur dirak al lez-varn ;
• E Brest d'ar Gwener da noz war leurger ar Frankiz ;
• E Gwened d'ar yaou 20 da noz, ha d'ar Gwener dirak ar prefedti (emgav a zo bet gant kuzulier ar prefed en deus klevet klemmoù an dud da heul harzidigezh barnedigezh ha toullbac'hidigezh Nicolas B. 23 bloaz evit daou viz hep abeg sirius ebet)
• E Karnag d'ar Gwener 21 da noz
• En Naoned, bali an 50 gouestlad da 19eur d'ar gwener ha da 21 eur d'ar Sadorn ha d'ar sul ;
• En Ankiniz, bep sul da 2& eur war bont Joakim du Bellay
• hag all hag all..

E Mésanger e kichenik Ankiniz e nac'h an Aotrou maer hag e eizh eilvaer "dimeziñ" daou waz, evel 700 dilennad all a Vreizh...

Goulenn a ra EAT http://emglev.wordpress.com/diskeladeg-2/ ma vezo klevet ar mouezhioù niverus o vanifestiñ sioul ha ma vezo dilezet lezenn dinatur Taubira ar c'hentañ ar gwellañ. Evel broadelourion Vrezhon n'hellomp ket esperiñ gounid he frankizioù da Vreizh gant ur gevredigezh o tisleberiñ. Diskleriañ a ra sklaer hag uhel e rank ensavadur an TIEGEZH bezañ sikouret. Pep bugel, ha pergen an emzivaded, a zo ret dezho kaout en o c'hichen un tad hag ur vamm d'o sevel a zoare.