E gouel Erwan, dizoloit ar mell-droad gouezelek

Ar vell-droad gouezelek zo ar sport poblekañ e bro Iwerzhon. Ur seurt meskaj etre ar vell-dorn hag ar vell-droad eo, ret eo plantañ ur volotenn e-barzh ur pal Rugby. Ar c'hoari-mañ a blij muioc'h-muiañ da gendirvi Iwerzhoniz (da laret eo ar Vretoned), dre ma eo ganet 9 c'hlub e-pad an dek vloaz tremenet e Breizh ha 2 e-pad an daou vloaz diwezhañ.

Ar vell-droad gouezelek zo ar sport poblekañ e bro Iwerzhon. Ur seurt meskaj etre ar vell-dorn hag ar vell-droad eo, ret eo plantañ ur volotenn e-barzh ur pal Rugby.

Ar c'hoari-mañ a blij muioc'h-muiañ da gendirvi Iwerzhoniz (da laret eo ar Vretoned), dre ma eo ganet 9 c'hlub e-pad an dek vloaz tremenet e Breizh ha 2 e-pad an daou vloaz diwezhañ.

Ar vell-droad gouezelek zo anavezet ivez evel ur sport-skol gant e anv lakaet e-barzh roll ar sportoù evit arnodenn ar vachelouriezh e akademiezh Roazhon.

Evit mont war-raok gant ar sport-mañ e vo aozet tri zarvoud e-pad sizhun gouel sant Erwan :
• d'an 13 a viz Mae, krogad etre skipailh Liverieg ha skipailh Breizh e tachenn-sportoù Gonieg (35) etre 3 eur ha 4 eur goude mern
• d'ar 15 a viz Mae, un devezh dizoloiñ en Oriant evit kas war-raok ur c'hlub nevez krouet. Emgav war tachenn-rugbi Keramaze adalek 11 eur betek 12 eur
• d'an 22 a viz Mae e vo c'hoariadeg vras Liverieg gant 12 klub deuet eus Breizh a-bezh,eus bro C'Hall, eus Kalvenez hag eus bro Iwerzhon.