Diwar-vremañ e c\'haller implijout an troer emgefre war-eeun e lec\'hienn Ofis ar brezhoneg

- Communiqué de presse -

Diwar-vremañ e c'haller implijout an troer emgefre war-eeun e lec'hienn Ofis ar brezhoneg

Kinniget er C'Huzul-rannvro en nevez-amzer tremenet emañ bremañ staliet an troer emgefre brezhoneg-galleg kentañ war-eeun war lec'hienn an Ofis. Deuet ar stumm nevez 0.2 er-maez. Klokoc'h eo ar gerva e-keñver ar

Visant Roue Par Office de la Langue Bretonne 44 le 25/02/10 5:27

Kinniget er C'Huzul-rannvro en nevez-amzer tremenet emañ bremañ staliet an troer emgefre brezhoneg-galleg kentañ war-eeun war lec'hienn an Ofis ar brezhoneg.

Deuet ar stumm nevez 0.2 er-maez. Klokoc'h eo ar gerva e-keñver ar stumm 0.1 ha meur a wellaenn zo bet degaset ennañ war krafoù liesseurt evel, da skouer, lec'hiadur an anv-gwan gallek a-raok pe goude an anv (une petite chose pe une porte bleue), pe c'hoazh diforc'hiñ implijoù an anv-verb hag anv-gwan-verb ar verboù a echu en –et evel gwelet/sellet (mont da welet/aller voir, gwelet em eus/j'ai vu) ha degadoù a draoù all.

Digor d'an holl ha digoust eo implij an troer. Diorroet eo e framm ar raktres Apertium kaset war-raok gant an embregerezh Prompsit Language engineering ha skol-veur Alacant e Spagn. Hiviziken e vo aesoc'h d'an dud implijout anezhañ. Kavout a ra e blas e-kichen ar binvioù yezh dave all kinniget gant an Ofis, evel TermOfis (termenadurezh) ha KerOfis (lec'hanvadurezh).

Reiñ tu a ra an troer emgefre da anavezout danvez un destenn. Evit ar mare e c'hall an troer bezañ implijet, da skouer, gant gallegerien a garfe kompren dre-vras ster un destenn vrezhonek met n'hall ket talvezout evit embann skridoù evel m'emaint. Testennoù hir pe hiroc'h, meur a bajennad skrid, a c'haller lakaat er bloc'had treiñ. A-drugarez d'an ostilh-mañ emañ ar brezhoneg o tremen ur bazenn nevez war tachenn Teknologiezhioù ar C'helaouiñ hag ar C'hehentiñ.

URL an troer : (voir le site)

Voir aussi :

Spamihilator et Doodle : 2 logiciels gratuits, traduits par l'Office de la Langue Bretonne par Office de la Langue Bretonne 44 le 10/06/2010
Spamihilator ha Doodle : 2 veziant digoust, troet gant Ofis ar Brezhoneg par Office de la Langue Bretonne 44 le 10/06/2010
Dorénavant le traducteur automatique est disponible directement sur le site de l'Office de la Langue bretonne par Office de la Langue Bretonne 44 le 25/02/2010
Mozilla Firefox 3.6 en breton par An Drouizig le 23/02/2010

Gwelout pennadoù all Office de la Langue Bretonne 44

Vos 0 commentaires :

Commenter :

Put your name here

ABP

Embann

Nous suivre