Ar sadorn 23 a viz C\'Hwevrer e oa bet c\'hoarvezet daou zegouezh a-bouez evit bed ar brezhoneg hag ar re vihan : emvod meur Divskouarn, ha sinadur ar garta evit diorren ar brezhoneg e lec\'hioù degemer ar vugaligoù gant magouri Ti Poupigoù Bear.

Ur bloavezh fonnus

E Kawan, en Aodoù an Arvor, an hini eo e oa bet divizet er bloaz-mañ staliañ emvod-meur Divskouarn, ar gevredigezh evit diorren ar brezhoneg e bed ar re vihan. Un ugent den bennak a oa en em vodet asambles a-benn ober bilañs ur bloavezh kentañ a labour a vicher evit ar gevredigezh. Ur bloavezh a zo bet merket dreist-holl gant lañsamant karta Divskouarn evit an tiez bugaligoù, hag a zo bet sinet gant 5 framm c\'hoazh. Da venegiñ a zo ivez an taolioù arnod kentañ daved ar magerezed : derou ur renabl, abadennoù buheziñ arbennik kentañ...

Evit mont pelloc\'h ganti

Diazezet ma \' z eo bet er bloaz-mañ, ez eus bremañ gant tud Divskouarn, ur youl da vont pelloc\'h ganti, da skouer en ur vont donoc\'h gant tachennoù e-giz hini ar magerezed hag ar familhoù, an dalc\'h a zo gellet lakaat e pleustr muioc\'h a draoù pleustrek e-giz abadennoù buheziñ, stajoù arbennik, stummadurioù... Tout an traoù-se a vo graet evel just hep disoñjal brasaat rouedad al lec\'hioù degemer lec\'h ez eus brezhoneg, gant benveg Karta Divskouarn. Ar bloavezh 2008 a vo ivez hini rannvroeladur gwir labour Divskouarn, pa vo klasket kaout sinerien e pep korn ar vro, kement a strolladoù labour lec\'hel. Arabat disoñjal kennebeut emañ Divskouarn c\'hoazh gant ur youl kaout atav muioc\'h-muiañ a izili, aze ez eus c\'hoazh un neñneñ da gaout evit an den a vo hanter-kant ezel ar gevredigezh er bloaz-mañ e-giz warlene !

Ur c\'hwec\'hvet ti er jeu !

Un digarez brav eo bet ivez an abadenn-se evit gwelet ur vagouri deus bro Dreger, Ti Poupigoù eus Bear, o sinañ Karta Divskouarn. Dindan paeroniezh Annaig Kervella evit Ofis ar Brezhoneg, eo bet sinet live kentañ Karta Divskouarn gant Marianne Wroblewski, bez-prezidantez, Maïna Guillou, renerez, ha Marie-Hélène Ar Rouz, gopradez ar vagouri. An ti bugaligoù kentañ an hini eo ha n\'eo ket deus Penn ar Bed, pezh a zo sur sin an diorren e Breizh a-bezh evit Divskouarn !

• 13e et 14e crèches signent la charte Divskouarn pour la langue bretonne par Divskouarn le 18/12/2012
• Skouarnig, une marionnette pour soutenir le développement du breton dans la petite enfance par Divskouarn le 14/12/2012
• Emañ Divskouarn o tuta un Diorroer Raktresoù par Divskouarn le 09/12/2009
• Des comptines filmées sur le site de Divskouarn, vous pouvez participer par Divskouarn le 20/02/2009
• Rimadelloù filmet war lec'hienn Divskouarn : gallout a rit ober ivez par Divskouarn le 20/02/2009
• Stumdi ha Divskouarn : bugaligoù ha brezhoneg war un dro... par Stumdi le 06/02/2009
• Stumdi et Divskouarn : quand petite enfance rime avec langue bretonne... par Stumdi le 06/02/2009
• Proposer une autre langue avant la scolarisation, l'exemple du breton avec Divskouarn par Divskouarn le 11/09/2008
• Ar brezhoneg er skolioù lakaet diaes : souten a ra Divskouarn skol Merville An Oriant, ha skol Diwan Montroulez par Divskouarn le 18/06/2008
• Le breton à l'école en difficulté : soutien de Divskouarn à l'école bilingue de Merville, et à l'école Diwan de Morlaix par Divskouarn le 18/06/2008