S'accréditer |
S'abonner |
Se connecter |
Faire un donS'accréditer |
S'abonner |
Se connecter |
Faire un don
'15 kantved emdroadur ar brezhoneg gwelet dre ar skridoù : un istor eus ar brezhoneg, adalek an indezeuropeg betek ar brezhoneg arnevez.' Diskouezadeg savet gant ar gevredighezh PREDER.
En darn gentañ e tiskouezer nested ar brezhoneg hag ar yezhoù indezeuropek all ha da heul kerentiezh yezhoù ar skourr keltiek. Klokaet eo an trosell istorel hollek-se gant dezrann saviad pep yezh keltiek kempred. Eil darn an diskouezadeg - an hini bouezusañ - zo gouestlet da emdroadur ar brezhoneg abaoe ar Vt kantved. O vezañ m'emañ ar yezh bepred oc'h emdreiñ eo digor an darn diwezhañ war ziaweloù dazont ar brezhoneg. Pep tra zo skoueraet gant teulioù ha dielloù orin, kartennoù ha taolennoù.
E Ti ar Vro Kemper, betek ar 16 a viz Du. Digor eus al Lun d'ar Gwener eus 9 betek 1eur g-m, ha deus 2 eur g-m betek 6 eur noz. D'ar Sadorn, eus 10 eur betek kreisteiz. D'ar Sadorn 10 a viz Du e vo digor a-hed an devezh. Strolladoù a c'hall dont, goulennit ha kinnigit un deiziad.
Ti ar Vro Kemper : 3 plasenn Familh Gabaï (bet 6 straed Jean Jaures) e Kemper 02 98 90 70 43 www.tiarvro.org tiarvro-kemper [at] wanadoo.fr
Vidéos
Newsletters
Flux RSS - français
ABP sur Facebook
ABP sur X
Chaîne Youtube ABP