Put your name here

connexionS'accréditer | S'abonner | Se connecter | Faire un don
> Logo ABP
ABP e brezhoneg | ABP in English |
- -
Dilennadegoù-rannvro 2010 : war-zu adunanidigezh Breizh

Evel un arouez e oa bet aozet Dilun un emvod-labour gant 5 penn al listennoù "Ni ho savo Breizh", e Sant-Nikolas-Redon, war "harz" etre ar rannvroioù Breizh ha "Broioù-al-Liger". Kaoz a oa eus ar pezh a vo graet da gentañ da-heul an dilennadegoù-rannvro evit bountañ da vat adunanidigezh Breizh.

Christian Troadec pour Nous te ferons Bretagne le 24/02/10 1:31

Evel un arouez e oa bet aozet Dilun un emvod-labour gant 5 penn al listennoù "Ni ho savo Breizh", e Sant-Nikolas-Redon, war "harz" etre ar rannvroioù Breizh ha "Broioù-al-Liger". Kaoz a oa eus ar pezh a vo graet da gentañ da-heul an dilennadegoù-rannvro evit bountañ da vat adunanidigezh Breizh.

Evel m'eo bet disklêriet gant Kristian Troadeg, penn al listenn e Rannvro Breizh, ha Jacky Flippot, penn al listenn el Liger-Atlantel, e rank an adunanidigezh-mañ degouezhout ar buanañ ar gwellañ. 194 danvez-dilennad "Ni ho savo Breizh" a zo engouestlet sklaer evit kement-se en ur nac'hañ pep diskoulm douetus, diazezet war komisionoù na servij da netra pe war engouestloù pilpouz.

Lakaet e vez e pleustr an adunanidigezh-mañ gant "Ni ho savo Breizh", dre m'eo al listenn nemeti a zo war ar renk er pemp departamant, gant an hevelep programm. Ha n'eo ket hetoù ar strolladoù er galloud evel ar PS, an UMP pe Europa Ekologiezh a ray tra heverzh ebet evit adunaniñ pemp departamant Breizh, nag evit ma vo ar 4 milion 400.000 annezad a Vreizh bodet en un hevelep strollegezh.

Echu koulz ar pilpouzerezh hag al lavarennoù daou du : "Ni ho savo Breizh" gant engouestl e 194 danvez-dilennad a ra eus an adunanidigezh un elfenn n'haller ket c'hoari an dro dezhañ e-barzh ar c'houlzad 2010. Nemet an dud hegredik a c'hello bezañ kendrec'het gant displegadennoù diveizus listennoù ar PS, an UMP ha Europa Ekologiezh.

Ouzhpenn-se e galv 5 penn al listennoù "Ni ho savo Breizh" an holl da gemer perzh er freskennad tud aozet d'ar Sadorn 27 a viz C'Hwevrer e Naoned gant Breizh Unvan ha 44=BZH diwar-benn an adunanidigezh.


Evit "Ni ho savo Breizh", Emil Granville, eil maer Redon, penn listenn an Il-ha-Gwilen

(voir le site) hag (voir le site)

Voir aussi :
mailbox
Vos 0 commentaires
Commenter :
Votre email est optionnel et restera confidentiel. Il ne sera utilisé que si vous voulez une réponse d'un lecteur via email. Par exemple si vous cherchez un co-voiturage pour cet évènement ou autre chose.
ANTI-SPAM : Combien font 5 multiplié par 1 ?