DEOMP DE'I 2013 : daou zevezh preder diwar-benn dazont ar brezhoneg hag ar gallaoueg

Tost bloaz 'zo, ouzhpenn 60 000 den o doa kemeret perzh e manifestadegoù evit ar yezhoù rannvro e Bro-C'hall a-bezh. Deuet e oa 12 000 den da vanifestiñ e Kemper.

Dilennet zo bet ur Prezidant nevez abaoe, promesaoù zo bet graet ha kadarnaet. Ha dalc'het e vo dezho ? Hiziv an deiz eo diaes bezañ gwellweler. Met mod pe vod eo erru poent mont donoc'h en hor preder war ar pezh a vo plas ar brezhoneg hag ar gallaoueg er gevredigezh warc'hoazh.

Cheñchet eo stad hor yezhoù abaoe ouzhpenn 30 vloaz. Gwelloc'h degemer vez graet dezho gant ar gevredigezh vreizhat, met buan ez a o implij war zigresk. Ar pouez zo bet roet d'ar skolioù, da skouer. Dre se eo bet krouet Diwan hag ar c'hlasoù divyezhek en Deskadurezh stad hag er skolioù prevez katolik. Met ne vo ket a-walc'h evit cheñch tu d'al lusk. Petra ranker ober evit mont war-raok ? Spisverkoù a-bouez zo bet savet gant Bro Euskadi ar Su evit respont d'ar goulennoù pennañ. Ret groñs eo deomp ober kement-all ma fell deomp reiñ en-dro ur vuhez sokial d'hor yezhoù.

Evit prederiañ war ar poent-se zo bet savet gant Kevre Breizh un tabut war ar Rouedad a gas da zaou zevezh preder d'an 19 ha 20 a viz Genver 2013 e Karaez. En tabutoù digor d'an holl e vo eskemmet diwar-benn ar pezh a fell deomp reiñ d'hor yezhoù, e-keñver tri ahel :

• Penaos adperc'hennañ hor yezhoù ?

• An darempredoù gant ar politikerezh

• Yezh ha tiriadelezh.

Ar pal n'eo ket sevel ur roll arc'hadurioù nevez pe goulenn ul lezenn nevez evit ar yezhoù rannvro, labouret e vo war raktres ur framm kempoell d'an holl obererezhioù a c'hellimp kas da benn evit hor yezhoù.

Dalc'het e vo an devezhioù-se e Kreizenn Lojañ Kerampuilh, e Karaez, d'ar Sadorn 19 a viz Genver, adalek 14e betek ha d'ar Sul 20 goude-merenn. Digor eo d'an holl.

Titouroù hag enskrivadurioù : lec'hienn : (voir le site)

Pe : Kevre Breizh

9 straed / rue la Tour d'Auvergne 292701 Karaez / Carhaix

kevre.breizh [at] orange.fr

• Emmanuel Grégoire et l’abbé Macron  par David Grosclaude le 23/11/2024
• Pays de Redon. La Bogue d’or, rendez-vous du « génie populaire » par Le blog de paul Molac le 05/11/2024
• Catherine Vautrin en Corse : Régions et Peuples Solidaires appelle l’Etat à enfin aboutir sur l'autonomie par RPS le 25/10/2024
• Gouvernement Barnier : des nominations inquiétantes par RPS le 24/09/2024
• Quelle future gouvernance en France ? par Marcel Berrou le 08/07/2024
• Après deux cycles de trois ans du Parlement de Bretagne réveillé, voici venir le troisième cycle ! par KAD le 01/07/2024
• Résolution pour la Réunification de la Bretagne à la XIXème Assemblée Générale de l'UNPO à Munich, les 11 et 12 mai 2024 : par KAD le 07/05/2024
• TER Nouvelle Aquitaine : quelle honte !   par David Grosclaude le 18/04/2024
• Les Braises de la Rencontre, le 5 mai 2024, sur le parc de sculptures mémorial de MAB Koad Sav Pell ! par MAB, Musée Archipel Breton le 16/04/2024
• Koun Breizh s’indigne : Non ! les festoù-noz ne sont pas des lieux réservés aux « attardés » ! par Koun Breizh - Bertaign Tenant - Mémoire-de-Bretagne le 07/01/2024