-- Littérature --

Dek levr nevez dindan dek miz amzer

Papier de Kannadig Imbourc'h (porte parole Tepod Mab Kerlevenez) publié le 13/07/19 19:29

Un arsell prim eus an dek levr kentañ bet embannet gant Ar Gouloù Gwenn.
Un arsell prim eus an dek levr kentañ bet embannet gant Ar Gouloù Gwenn.

Disklêriet e miz C'hwevrer ez-ofisiel hepken, emañ ar gelaouenn nevez Ar Gouloù Gwenn oc'h ober he zoull goustad. An trede niverenn (Mae-Mezheven) a zo deuet er-maez e-kreiz miz Mezheven, un troc'h a vo e-pad an hañv hag e adstagimp ganti evit an niverenn 4 e Gwengolo-Here.

En tu-hont d'ar gelaouenn, a glaskomp c'hoazh kenskriverien dezhi, ez eus al levrioù bet embannet dindan talbenn Ar Gouloù Gwenn : Un torkad barzhonegoù, daou gaier kanaouennoù (traoù boutin a-walc'h marteze en hor yezh nemet aze omp bet o kantren e bed tarzhus ar vrogarantez !), un arnodskrid politikel, un istor eus ar brezhoneg (unan eus ar re gentañ ha na vefe ket gallek pe saozneg ?), Sketla Segobrani adskrivet e peurunvan (tremen poent e oa !), un dielfennadenn eus ar Sketla (hon eus spi e vo deuet-mat gant al lennerien rak gwir eo n'eo ket aes bepred kompren al levr-se), ha dreist pep tra marteze levrenn gentañ mell Istor Breizh Arthur le Moyne de la Borderie, bet troet e brezhoneg gant aket Tepod Mab Kerlevenez (a glaskomp un adlenner diwezhañ evitañ - barrek hag a-youl-vat - a-raok gallout e embann foran !)

Dek levr nevez war ar marc'had ar brezhoneg eta, embannet tamm ha tamm abaoe Gwengolo tremenet. An holl levrioù-se a c'heller kavout da brenañ war lec'hienn www.lulu.com, pa glasker ar gerioù-alc'hwez-mañ : «Tepod Mab Kerlevenez» ; «Ar Gouloù Gwenn» ; «Sketla Segobrani». Lulu.com a zo ul lec'hienn digoust ma c'hall an dud embann ar pezh a reont ha gwerzhañ war-eeun d'ar brenerien, hag un niverenn ISNB a vez roet da bep oberenn evit ma vo diwallet ar gwirioù anezhi.

Ul lec'hienn internet Ar Gouloù Gwenn a zo war ar stern ivez ha drezi e c'hellimp kehentiñ gant Breizh hag ar Bed dre hor mouezh-ni, ha da adkavout warni a vo niverennoù kozh ar gelaouenn, koulz hag al levrioù embannet ganeomp.

Joa deoc'h ha ken ar c'hentañ !

Tepod Mab Kerlevenez.

mailbox imprimer

Vos commentaires :

Écrire un commentaire :

ANTI-SPAM : Combien font 6 multiplié par 0 ?

Note : Ce lieu est un lieu de débat. Les attaques personnelles ne sont pas autorisées. Le trolling est interdit. Les lois contre le racisme, le sexisme, et la diffamation doivent être respectées. Les pseudos sont tolérés mais ne sont pas encouragés. Par contre l'utilisation d'anonymiseurs pour modifier votre numéro ip entrainera la suspension de vos commentaires.