Da heul Komzoù diwirheñvel Penn ar Stad e Josilin e c\'houlenn Kevre Breizh e vefe doujet da wirioù ar Vretoned gwarezet gant an Emglevioù etrevroadel.
Evit Kevre Breizh n\'eo komzoù Penn bras ar Stad Nicolas Sarkozy dec\'h e Josilin nemet ober goap eus an dud.
Tapout krog en ho amzer da zont, sed ar pezh a vefe kontant bras ar Vretoned d\'ober, hag ar pezh a c\'houlenn kevredigezhioù sevenadurel Breizh abaoe pell war zachenn ar politikerezh yezh ha sevenadur : skol, radio, tele, buhez publik.
Lavarout a ra Nicolas Sarkozy ez eo er bihan-niver evit ar pezh a sell ar yezhoù bihan, ha koulskoude eñ e-unan en deus diskleriet bezañ a-enep Karta yezhoù bihan Kuzul Europa. Eñ eo en deus savet ur gouarnamant na fell dezhañ e mod ebet lakaat votiñ ar pevar kinnig-lezenn evit ar yezhoù ha sevenadurioù rannvro a zo bet enrollet e Kambr ar Gannaded hag er Senad e fin 2010 ha deroù 2011.
Oc\'h adkreizennañ ar galloud e Paris e kas d\'an traoñ barregezhioù politikel hag arc\'hant ar strollegezhioù lec\'hel a zo ar re a ra ar muiañ evit sevenadur Breizh hag ar brezhoneg ha gallaoueg.
Al lezenn nevez evit cheñch harzoù ar strollegezhioù lec\'hel a zo ur skoilh didremenus evit adunvaniñ pemp departamanat Breizh, peogwir e ranker kaout asant an dud diavaez bro.
E rak-kampagn evit ar votadegoù emañ an Aotrou Sarkozy o klask rastellat mouezhioù ar Vretoned. Met emañ ar Vretoned o c\'hortoz oberoù doujus d\'o gwirioù anavezet war an dachenn etrevroadel ha n\'eo ket kaozioù diwirheñvel kontrol d\'e bolitikerezh.
Partager sur LinkedIn
Newsletters
Flux RSS - français
ABP sur Facebook
ABP sur X
Chaîne Youtube ABP