Kevrenn Mell-droad Gouezelek an Naoned Studier Kleub http://www.nantesgaa.org a zalc'h gant ar Beach Gaelic en ur ginnig adarre ar bloaz-mañ un tournamant digor d'ar c'hleuboù ha d'ar skipailhoù deraouidi war draezhenn Pornizhan.

Ar Beach Gaelic a zo staliet mat war dalbenn atlantel ar Stadoù-Unanet http://www.beachgaelic.com/new/home.asp?menuid=1 , pa chom c'hoazh nebeut anavezet en Europa. Pleustret e vez war traezh sec'h, war un dachenn c'hoari kevatal d'ar re vell-zorn. Ar reolennoù a cheñch nebeut diouzh re ar Vell-droad Gouezelek, ober a reont diouzh ar gorre tra ken.

Berzh en doa graet an degouezh e 2008, o vezañ m'he doa bodet 70 c'hoarier o tont eus Breizh, Pariz pe Bro-Iwerzhon. An tournamant-mañ a ro tro da zizoleiñ ar Vell-droad Gouezelek e Bro-Naoned ha war aod al Liger, e-barzh ur framm sport ha sevenadurel, ha dudius dreist-holl. Rak-se ez eus pedet skipailhoù deraouidi da gemer perzh en tournamant, hag un trofe ispisial a vo deroet ar bloaz-mañ d'an hini wellañ anezho.

Kleub Naoned a zo e penn ar pleustr-se en Europa. Heuliadennoù an tournamant 2008 o doa kaset un toullad skipailhoù iwerzhonat d'en em soñjal war ar pleustr dibar-se (Da c'houde ur gelaouadenn bet skignet en nevez-amzer 2008 gant ar skinwell iwerzhonat peurgetket). Ar challenge-mañ a zo anezhañ ar gevezadeg Beach Gaelic nemeti en Europa. An trofe (ur plad e feilhañserezh Breizh) a zo ken dibar, dre m'eo awenet gant ur vojenn lec'hel : istor Plad hud ar c'horriganed.

War ziorren emañ ur raktres stag, a venn krouiñ unan pe veur a c'hleub tro-dro da Sant-Nazer / Ar Baol / Gwenrann. An degouezh-mañ a zo ivez un digarez da bediñ c'hoarierien deraouat, dezho da zizoleiñ ar Vell-droad Gouezelek ha, piv 'oar, da sevel ur skipailh lec'hel a-benn an distro-skol a zeu.

Ouzhpenn-se, un toullad kevredigezhioù sevenadurel ha sport a zo kevreet gant an degouezh, en o zouez Diwan, Ingalañ, an ACB, ar c'hevreoù breizhat, europat hag ar c'hevre gall mell-droad gouezelek pe c'hoazh an ICB / SUAV (Skol Uhel Ar Vro) hag ar c'hCREDIB / Sant-Nazer.

Emgav e Pornizhan d'ar Sadorn 13 a viz Mezheven a-benn dizoleiñ ar sport-mañ, war gresk er c'horn-vro.

Krogadoù adal 10e betek 18e – Traezhenn al Levrierioù e Pornizhan
Keleier : Guillaume Kerrien : 06 32 65 51 59
beachgaelic2009 [at] googlegroups.com

http://liguebretonne.footballgaelique.com/ : Lig Breizhat Mell-droad Gouezelek.
http://www.nantesgaa.org/ : Kevrenn Mell-droad Gouezelek Naoned.

[Lire] e galleg. Troidigezh gant Kevin Laquaine-Jakez.

• Dublin 2016 : la reconnaissance du dynamisme du football gaélique breton par JYLT le 27/07/2016
• Et les jeunes Bretons de St-Aubin du Cormier gagnent leur match à Croke Park devant 83 000 spectateurs ! par Irlande 2016 le 26/04/2016
• La GAA célèbre 1916 ce week-end à Croke Park et des jeunes Bretons y participeront ! par Irlande 2016 le 22/04/2016
• Dublin 2016: l’équipe de Bretagne de football gaélique a besoin de vous ! par Irlande 2016 le 16/04/2016
• Lorient : les propos du président irlandais Michael D Higgins censurés ? par JYLT le 28/08/2014
• Du football gaélique en levée de rideau du Festival Interceltique 2014. par JYLT le 01/08/2014
• Formation d'entraîneur de football gaélique par Ligue Bretonne de Fooball Gaélique le 15/06/2012
• Coupe de Bretagne de Football gaélique. Les Quarts à Nantes par Ligue Bretonne de Football Gaélique le 01/01/2012
• Div Yezh Bruz s'initie au football gaélique avec l'équipe des Sangliers de Liffré par Div Yezh Bruz le 21/06/2011
• À la Saint Yves, (re)découvrez le football gaélique par Ligue Bretonne de Football Gaélique le 28/04/2010