Celti'Vannes 2007

Celti'Vannes 2007 : Ur bloavezh mat evit ar brezhoneg, stardet e vo al liammoù etre kêr Wened hag an Ofis. D'ar Sadorn 30 ha d'ar Sul 31 a viz Gwengolo 2007 e oa bet dalc'het e Gwened ar gouel Celti'Vannes. Degemeret e vez an Ofis e saloñs al levrioù abaoe 2001 hag er

Celti'Vannes 2007 : Ur bloavezh mat evit ar brezhoneg, stardet e vo al liammoù etre kêr Wened hag an Ofis.

D'ar Sadorn 30 ha d'ar Sul 31 a viz Gwengolo 2007 e oa bet dalc'het e Gwened ar gouel Celti'Vannes. Degemeret e vez an Ofis e saloñs al levrioù abaoe 2001 hag er bloaz-mañ eo bet kreñvaet plas ar brezhoneg eno.

Plijet eo bet an holl gant ar panellerezh divyezhek lakaet war wel e Palez an Arzoù. An holl banelloù a oa divyezhek hag an holl gemennadennoù ouzh ar mikro a oa distaget e brezhoneg hag e galleg da c'houde. Ur striv gwirion evit diskouez ar brezhoneg a zo bet graet da-geñver ar gouel.

An Ao. Goulard, kannad ha maer Gwened, deuet gant gant an Ao. Gabriel Sauvet, eilmaer e karg eus ar sevenadur, en deus bet c'hoant da gejañ ouzh tud an Ofis a-benn kadarnaat en un doare ofisiel e vo kinniget ar garta Ya d'ar brezhoneg da vot Kuzul-kêr Gwened d'ar 17 a viz Here.

Pouezet en deus ivez war ar fed ez eo Gwened evit ar poent ar gêr eus Breizh ma vez kavet ar brasañ niver a vugale skoliataet en he skolioù divyezhek.

Evit klozañ, embannet en deus pegen laouen e oa gant lec'hienn genrouedad an ti-kêr, a zo bet lakaet e brezhoneg penn-da-benn gant servij Treiñ an Ofis. Ur lec'hienn dave e c'hellfe bezañ evit kalz a gumunioù e Breizh.