C'hoariva etresevenadurel : e brezhoneg hag e kastilhaneg

- Rapport -

Pleustradeg e div yezh : biszkoazh kemend-all !

Fanny Chauffin pour ABP le 18/03/12 17:13

Pleustradeg e div yezh : bizkoazh-kemend all !

Ganet eo ar strollad Fubudenn daou vloaz 'zo goude festival Taol Kurun. Kentelioù noz a oa e skol Diwan dija, hag evit respont da hetoù maer Kerien "krouiñ ur strollad c'hoariva e bro Kemperle" evit enoriñ Remi Derrien, oa bodet pemp den. Ha setu ur pempvet prantad aozet gant kentelioù noz Kuzul skoazell skol Diwan Kemperle.

Krouet o deus teir abadenn dija, div e brezhoneg hag unan e galleg.

O abadenn diwezhañ a zo bet c'hoariet dija, "Kurunennoù ar rouanez" (skrivet gant "le théâtre du copeau", Brussel) e saloñs al levrioù Karaez hag e teir skol ar vro e-pad ar festival Taol Kurun, met c'hoant o doa mont pelloc'h ha gant al leurenniñ ha gant ar brezhoneg.

Setu perak o deus kaset ur raktres d'ar c'huzul meur Penn ar bed, evit Klaskerien ha treizherien soñjoù. Pedet o deus Celine Soun ha Gisel Vargas un devezh pad disadorn paseet evit labourat, e brezhoneg war o fezh c'hoari. Aet eo kalz war raok, gant teknikoù tost a-walc'h eus re gomedia dell'arte, diazezet war ar c'horf. Dre ma'z eo un abadenn evit ar vugale o deus pouezet war ar gomprenedigezh dre ar jestroù oc'h ouzhpennañ a bep seurt munudoù fentus ha barzhoniel ...

Warlerc'h e vint gant brezhonegerien ar vro, bro Gwened ha Traon Kerne (Daniel Cudennec, Paul Brustiec ...) evit gwellaat an distagadur hag an taol mouezh. Evit pediñ ar strollad e abadennoù an hañv pe er skol (etre 3 ha 12 bloaz), ha mod all evit an holl dud o deus miret kalon ur bugel : 06 79 14 96 87

C'hoariet e vo e Skaer e miz Even, e skolioù bro an Oriant, e tiez ar re gozh, e kampoù vakansoù ...

Voir aussi :

Kejadenn Gentañ ar C'hoarivaoù e Yezhoù Bro Frañs par C'Hoariva le 04/07/2019
C'hoariva er skol : un doare da vevañ ar yezh tostoc'h ouzh ar vugale ? par Kerne Multimédia le 11/09/2017
La Caminata, pezh c'hoari nevez La Obra : ur c'hoariva politikel ? par Kerne Multimédia le 01/02/2017
Deizioù : C’hoariva e brezhoneg : La Caminata, gant La Obra par Emglev Bro An Oriant le 25/01/2017
C'hoariva evit ar re vras hag ar re vihan : Luduennig par Kerne Multimédia le 01/11/2016
C'hoariva gant la Obra : krouiñ etre Guatemala ha Breizh par Kerne Multimédia le 31/10/2016
Gwreg an toer, gant Tangi Malmanche par FC le 28/02/2016
L'Instant Molière : trempés, fatigués, heureux ! par FC le 21/07/2015
Katell Igruz, c'hwec'hvet pezh c'hoari strollad C'hoarivari par FC le 06/03/2015
Théâtre / C'hoariva par le 22/12/2014

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

Gwelout pennadoù all gant Fanny Chauffin

Vos 0 commentaires

Commenter :

Put your name here

ABP

Embann

Nous suivre