S'accréditer |
S'abonner |
Se connecter |
Faire un donS'accréditer |
S'abonner |
Se connecter |
Faire un don
Lañs he deus bro Vrest e-keñver toleadoù all Breizh evit ar pezh a sell ouzh stad ar brezhoneg war pep tachenn. Tennañ gounid eus an dra-se zo d'ober evit diazezañ amañ araokadennoù nevez ar brezhoneg.
Unan eus broioù pobletañ Breizh eo bro Vrest hag e penn a-raok diorren ar brezhoneg e vez alies. Etre 40 000 ha 45 000 brezhoneger a vefe e bro Vrest e 2008, diouzh a c'hellomp brasjediñ (war-dro 11,5% eus poblañs ar vro).
War dachenn ar c'helenn divyezhek eo stankik rouedad ar skolioù dija hag ar sifroù a gendalc'h da greskiñ gant ul lusk ingal. 2652 skoliad divyezhek a oa enskrivet en hentadoù divyezhek e 2007/2008. O kontañ ouzhpenn an doareoù all da zeskiñ brezhoneg er skol (tañva, kentelioù yezh) ez eus tremen 8 000 skoliad eus ar vro a heuilh kentelioù brezhoneg pe e brezhoneg eus ar skol-vamm d'al lise. En tu-hont da 1 000 den deuet a zesk brezhoneg a-hend-all.
Emouestl strollegezhioù foran zo a sikour da wriziennañ ur vuhez brezhonek e meur a lec'h hag e meur a dra a zeu da glokaat ar gweledva yezhel er gevredigezh keodedel.
N'emañ ket bro Vrest en un degouezh dibar e-keñver peurrest Breizh avat. Er c'hêrioù bras eo re dreut ar c'hinnig kelenn divyezhek evit ar mare : n'eus nemet ur skol bublik ha skol brevez ebet e Brest, da skouer. An tañva d'ar yezh er skolioù a chom stanket daoust d'ar goulenn, an niver a gentelioù brezhoneg en eil derez a ya war zisgreskiñ peurliesañ (d'an distro-skol 2008 ne chom kinnig ebet ken e skolioù publik Brest). Dizingalderioù a stader war an dachenn : su ar vro a chom dibourvez alies. E-keñver kinnig kelenn divyezhek, da skouer, n'eus bet digoradur ebet war an takad-se en ur ober dek vloaz tra ma'z eus bet pevar lec'h nevez e Kumuniezh kumunioù Bro an Hirwazh etre 2006 ha 2008.
Un trec'h da dizhout war grenn dermen eo kempouezañ ar c'holl brezhonegerien, ar pezh a dalvez stummañ ur brezhoneger nevez evit kement brezhoneger a varv. En desped d'he zuioù kreñv emañ pell bro Vrest eus ar gont gant etre un ha daou brezhoneger nevez evit dek a ya da anaon. Ha pa yafe war ziorren fonnusoc'h, ar c'helenn divyezhek e-unan ne vo ket a-walc'h evit tizhout ar pal meur-se, ezhomm a vo da stummañ kalz a dud dre an doareoù all ivez. Dre chañs emeur amañ en ur vro zo danvez enni da c'henel oberoù nevez evit diorren ar brezhoneg.
An teul a vo kavet kevret da bellgargañ a zo kresket a galz e-keñver an hini a oa bet savet e 2004. Divyezhek eo ha skeudennaouet eo bet gant kartennoù ha grafikoù e-leizh hag aozet evit bezañ aes da lenn (klozadurioù, taolennoù sintetek en dibenn).
12842_2.pdf Kevret divyezhek.. Source : Ofis ar Bezhoneg 
Vidéos
Newsletters
Flux RSS - français
ABP sur Facebook
ABP surTwitter
Chaîne Youtube ABP