Put your name here

connexionS'accréditer | S'abonner | Se connecter | Faire un don
> Logo ABP
ABP e brezhoneg | ABP in English |
- Communiqué de presse -
Brezhoneg : Evit UDB, peogwir e laosk ar Stad an traoù da vont da fall, eo d’ar Vretoned ha da zilennidi Kuzul Rannvro Breizh da zivizout eus dazont ar brezhoneg.
Goût a reomp mat e Kreizh Breizh eo start an traoù gant an deskadurezh publik divyezhek : un hanter bost vije serret a-benn an distro skol e Rostrenn hag e vez nac’het digeriñ ur c’hlas e Bulad, gant 20 bugel enskrivet, a-benn an distro skol 2006…
Nil Caouissin pour UDB le 30/05/06 21:39

Goût a reomp mat e Kreizh Breizh eo start an traoù gant an deskadurezh publik divyezhek : un hanter bost vije serret a-benn an distro skol e Rostrenn hag e vez nac’het digeriñ ur c’hlas e Bulad, gant 20 bugel enskrivet, a-benn an distro skol 2006…

UDB a zegas e skoazell da dud ar vugale ha da gelennerien ar skolioù-se a c’houl vije dalc’het ar post e Rostrenn ha digoret ur c’hlas divyezhek e Bulad a-benn distro skol 2006.

Evit ma ne vefe ket ken eus seurt degouezhioù ha ma vefe roet lañs da vat da gelennadurezh hor yezh, UDB Kreiz Breizh a c’halv hec’h izili hag he mignoned, hag an holl re n’int ket evit degemer politikerezh a-vremañ ar gouarnamant e-keñver ar brezhoneg da gemer perzh er vanifestadeg a vo e Roazhon d’an 3 a viz Mezheven 2006. Ar vanifestadeg-se vo aozet gant Kuzul Sevenadurel Breizh evit goulenn ma vo treuskaset galloudoù hag arc’hant da Guzul Rannvro Breizh, evit ober war-dro kelennadurezh ar brezhoneg ha sevenadur hor Bro. Evit UDB, peogwir e laosk ar Stad an traoù da vont da fall, eo d’ar Vretoned ha da zilennidi Kuzul Rannvro Breizh da zivizout eus dazont ar brezhoneg.

Kuzul Rannvro Breizh n’eus ket nag an arc’hant nag ar galloudoù rekis evit dont a-benn da seveniñ ar politikerezh yezh youlek bet embannet gantañ. Neuze, e c’houlennomp diganeoc’h , Aotrou Le Drian, prezidant ar C’huzul Rannvro, ha deoc’h-c’hwi ivez, Itronezed ha Aotrounien kuzulierien rannvro, da c’houlenn groñs digant ar Stad an treuzkas galloudoù hag an arc’hant rekis, da c’hellout kas da benn vat, hag evit gwir, hor steuñv diorren ar brezhoneg. N’eo nemet gant ar galon hag ar youl politikel-se eus o ferzh e vo moaien kreñvaat al labour kaset da benn vat war tachenn an divyezhegezh gant kêrioù zo eus Kreiz Breizh, evel Karaez ha Rostrenn… Aze emañ an dalc’h, evit dazont hor yezh, hag ar c’hred a c’hellomp-ni kaout en o youl politikel.

Evit UDB Kreiz Breizh : Herve ar Gall

Vos 0 commentaires
Commenter :
Votre email est optionnel et restera confidentiel. Il ne sera utilisé que si vous voulez une réponse d'un lecteur via email. Par exemple si vous cherchez un co-voiturage pour cet évènement ou autre chose.
ANTI-SPAM : Combien font ( 5 multiplié par 2) + 2 ?

ABP

Embann

Nous suivre

2003-2024 © Agence Bretagne Presse, sauf Creative Commons